الماتى اكىمى جىل سوڭىنا دەيىن حالىقپەن 24 كەزدەسۋ وتكىزەدى
مەملەكەت باسشىسىنىڭ «اكىمدەردىڭ حالىقپەن كەزدەسۋلەرىن وتكىزۋ تۋرالى» جارلىعىنا سايكەس، 2022 جىلعى 29 ناۋرىزدا قالا ءماسليحاتىنىڭ شەشىمىمەن الماتى قالاسى اكىمىنىڭ جانە اۋدان اكىمدەرىنىڭ تۇرعىندارمەن كەزدەسۋلەرىنىڭ جىلدىق كۇنتىزبەسى (اي سايىن 1 كەزدەسۋدەن) كەلىسىلگەن بولاتىن. بارلىعى جىلدىق كۇنتىزبە اعىمداعى جىلدىڭ سوڭىنا دەيىن كەمىندە 48 تۇراقتى كەزدەسۋ وتكىزۋدى كوزدەيدى (24 – قالا اكىمى، 24 – اۋدان اكىمى).
الماتى اكىمى ەربولات دوسايەۆتىڭ 2022 جىلدىڭ مامىر ايىنا ارنالعان حالىقپەن كەزدەسۋ كەستەسى:
12 مامىر - اۋەزوۆ اۋدانى؛
19 مامىر - ناۋرىزباي اۋدانى؛
21 مامىر - المالى اۋدانى.
كەزدەسۋلەردى وتكىزۋ ورىندارى مەن ۋاقىتى تۋرالى اقپارات قوسىمشا حابارلاناتىن بولادى.
ەسكە سالساق، الماتى اكىمى ءساۋىر ايىندا بوستاندىق جانە الاتاۋ اۋداندارىنىڭ تۇرعىندارىمەن كەزدەسكەن ەدى.