الماتىدا قالا كۇنىنە وراي «الەۋمەتتىك جوبالار – ورتاق يگىلىك ءۇشىن» اتتى كەزدەسۋ ءوتتى. «مەن – الماتىلىقپىن» جوباسى اياسىندا وتكەن كەزدەسۋگە قوعامدىق دامۋ باسقارماسىنا قاراستى قوعامدىق دامۋ ورتالىعى باستاماشىلىق ەتتى، دەپ حابارلايدى اqshamnews.kz.
كەزدەسۋدىڭ ماقساتى – الەۋمەتتىك جوبالاردىڭ ماڭىزىن كەڭىنەن ناسيحاتتاۋ، ازاماتتىق باستامالاردى قولداۋ تەتىكتەرىن تالقىلاۋ جانە قوعام يگىلىگى جولىندا ورتاق ءىس-قيمىلعا ىنتالاندىرۋ. ءىس-شارانىڭ باستى قوناعى – قازاقستاننىڭ قوعام قايراتكەرى، مەملەكتتىك قىزمەتكەر، الەۋمەتتىك جوبالار مەن ازاماتتىق باستامالاردى قولداۋعا ەلەۋلى ۇلەس قوسقان قايىرجان ساياسات ۇلى بولدى.
كەزدەسۋ بارىسىندا الەۋمەتتىك جوبالاردىڭ قوعامداعى ءرولى، ازاماتتىق بەلسەندىلىكتى ارتتىرۋ جولدارى جانە الەۋمەتتىك جاۋاپكەرشىلىك ماسەلەلەرى تالقىلاندى. جيىنعا جاستار، بەلسەندى ازاماتتار جانە قوعامدىق ۇيىمداردىڭ وكىلدەرى قاتىستى.
"الماتى ازاماتتىق اليانسىنىڭ" ءتوراعاسى، قبتۋ بيزنەس-مەكتەبىنىڭ پروفەسسورى، الماتى قالالىق قوعامدىق كەڭەسىنىڭ مۇشەسى قايىرجان ءابدىحالىق بىلاي دەدى:
"جوبا نەگىزىنەن الماتى قالاسى بويىنشا وتكىزىلىپ جاتىر. بولاشاق جاستارعا قاجەت بولاتىن تاجىريبەمدى جەتكىزىپ، مەگاپلوليستەن بولەك وزگە دە قالا تۇرعىندارىنا الەۋمەتتىك جوبالاردىڭ ءتيىمدى ەكەنىن ايتقىم كەلەدى. «الماتى ازاماتتىق اليانسى» رەتىندە ءبىز ۇكىمەتتىك كەڭەس ۇيىمدارىنىڭ اسسوسياسياسىمىز. بۇگىنگى جيىندا ەلىمىزدىڭ باسقا دا قالالارىنداعى ماسەلەلەردى شەشۋدە اتالعان الەۋمەتتىك جوبالاردىڭ اتقاراتىن رولىنە ايرىقشا توقتالامىز. ماقساتىمىز – وتباسىلارعا، ايەلدەر مەن بالالارعا، جاستارعا، ازاماتتار مەن ازاماتشالارعا قۇقىقتىق كونسۋلتاسيا بەرۋ. بۇگىندە تۇراقتى دامۋ ماقساتتارىنا باعىتتالعان الەۋمەتتىك باستامالار جۇزەگە اسىرىلۋدا. سوڭعى 3 جىلدا الەۋمەتتىك جوبالاردان حابار بەرەتىن دەرەكتەر بازاسىن قۇرىپ، Power BI نەگىزىندە 19 داشپورت جاريالادىق" دەيدى ول.