الماتى اۋەجايىندا شەتەلدىكتەردىڭ نارەستەلەردى ەلدەن الىپ شىقپاق بولعانى تۋرالى اقپارات راستالدى
الماتى اۋەجايىندا قازاقستاننان سۋرروگات انالاردان تۋعان بالالارمەن شىعۋعا تىرىسقان شەتەلدىك ازاماتتار ۇستالدى، - دەپ حابارلايدى Aqshamnews.kz.
11 قاراشا كۇنى اۋەجايدا قىتايدىڭ ەكى وتباسىلىق جۇبى نارەستەلەرمەن بىرگە توقتاتىلعان. دەرەككوزدىڭ مالىمەتىنشە، ولاردىڭ بالالارعا قاتىستى قۇجاتتارى بولعانىمەن، قازاقستان اۋماعىنان شىعۋعا رۇقسات بەرىلمەگەن.
الماتى قالالىق پوليسيا دەپارتامەنتى شەتەلدىكتەردىڭ ۇستالعانىن راستادى.
"اتالعان فاكتى بويىنشا الماتى قالاسى پوليسيا دەپارتامەنتىنىڭ تەرگەۋ باسقارماسى ق ر قك-نىڭ 135-بابى 1-بولىگى («كامەلەتكە تولماعانداردى ساۋدالاۋ») بويىنشا قىلمىستىق ءىس قوزعاپ، تەرگەۋ جۇرگىزۋدە"، - دەپ حابارلادى پوليسيا.