كۇدىكتىلەر الماتى قالاسىنىڭ تۇرعىندارى بولىپ شىقتى
كۇدىكتىلەر اتىراۋدا ۇستالدى. 18-20 ءساۋىر ارالىعىندا ءوڭىر اۋماعىندا "Anti-fraud" ءىس-شاراسى ءوتتى، دەپ حابارلايدى Almaty-akshamy.kz.
جەدەل-پروفيلاكتيكالىق ءىس-شارا بارىسىندا اتىراۋ وبلىسى پوليسيا دەپارتامەنتى جانە تالدىقورعان قالالىق پوليسيا باسقارماسى كيبەرقىلمىسقا قارسى كۇرەس كىزمەتكەرلەرى بىرلەسىپ قىلمىستىق توپتى انىقتاپ، ۇستادى.
"كۇدىكتىلەر الەۋمەتتىك جەلى ارقىلى جالعان پاراقشا اشىپ، Iphone تەلەفونىن ساۋدالاپ، الاياقتىق ارەكەتىمەن اينالىسقان. نارىقتاعى باعادان ارزان سمارتفون الامىن دەگەن تۇرعىندار اقشاسىنان وڭاي ايىرىلىپ قالعان. ال الاياقتار اقشالاردى قولما-قول شىعارۋ ارقىلى دروپپەرلەرگە اۋدارىپ، كەيىن وزدەرىنىڭ ەسەپشوتتارىنا اۋدارىپ وتىرعان. جابىرلەنۋشىلەر اراسىندا سەمەي، الماتى، استانا، قاراعاندى، اقتوبە، اقتاۋ، وسكەمەن، شىمكەنت، ورال قالالارى، ۇلىتاۋ، پاۆلودار وبلىستارىنىڭ تۇرعىندارى بار"، - دەيدى پوليسياداعىلار.
ۇستالعان 18 جاستاعى جانە 56 جاستاعى كۇدىكتىلەر الماتى قالاسىنىڭ تۇرعىندارى ەكەنى انىقتالدى. تەكسەرۋ كەزىندە ەكى IPhone 14 جانە IPhone 12، IPhone 6s ، Samsung، نوۋتبۋك، 12 SIM-كارتا، Beeline مودەمى، تۇبىرتەكتەر تاركىلەندى. كەلتىرىلگەن شىعىن كولەمى 2 ملن تەڭگەگە جۋىق ەكەنى انىقتالدى.
قازىرگى ۋاقىتتا كۇدىكتىلەرگە قاتىستى ق ر قك-نىڭ 190-باپتىڭ 3-بولىگى بويىنشا تەرگەۋ امالدارى جۇرگىزىلىپ جاتىر. وزگە اقپارات قپك-نىڭ 201-بابىنا سايكەس جاريالانۋعا جاتپايدى.