قازاقستان كۋبوگىندا «قايرات» «اقجايىقتى» جەڭىپ كەتتى

بيىل ورالدىق كلۋب ءبىرىنشى ليگادا دوپ تەبەدى

بۇگىن فۋتبولدان قازاقستان كۋبوگى 1/8 فينالىندا الماتىلىق «قايرات» ورالدىڭ «اقجايىعىنان» باسىم ءتۇستى، دەپ حابارلايدى Almaty-akshamy.kz قازاقپاراتقا سىلتەمە جاساپ.

الماتىلىق «قايرات» ءوز الاڭىندا ورالدىڭ «اقجايىعىمەن» كەزدەستى.

بيىل ورالدىق كلۋب ءبىرىنشى ليگادا دوپ تەبەدى. ال «قايرات» نەگىزىنەن ءوز اكادەمياسىندا تاربيەلەنىپ شىققان تۇلەكتەرگە سەنىم ارتىپ جۇرگەنى بەلگىلى.

ويىن بارىسىندا كوماندالار شابۋىلعا كوشتى. دەگەنمەن ءبىرىنشى كەزەڭدە تابلوداعى ەسەپكە وزگەرىس ەنگەن جوق.

ەكىنشى كەزەڭدە ورالدىق كلۋبتان ەۆگەنيي كوبزار 56-شى مينۋتتا «قايراتتىڭ» قاقپاشىسىن قاپى قالدىرىپ كەتتى. ال «قايرات» ساپىنان دميتريي سەرگەيەۆ 66-شى، ارتۋر شۋشەناچيەۆ 68ء-شى مينۋتتا ەكى گول سوعىپ كەتتى.

وسىلايشا «قايرات» قارسىلاسىنان 2:1 ەسەبىمەن باسىم ءتۇستى.

تاعى ءبىر كەزدەسۋدە قوستانايدىڭ «توبىلى» ءوز الاڭىندا پاۆلودار وبلىسىنىڭ «اقسۋىمەن» شەبەرلىك بايقاسۋدا. ءبىرىنشى كەزەڭنەن كەيىن قوستانايلىق كلۋبتان 1:0 ەسەبىمەن باسىم تۇسۋدە. ولاردىڭ قاتارىنان يۆان روگاچ 22-مينۋتتا مەرگەندىك تانىتتى.