قاراعاندىنىڭ 22 جاستاعى تۇرعىنى Threads الەۋمەتتىك جەلىسىندەگى ۇلتارالىق ارازدىقتى قوزدىرۋعا قاتىستى ءىس بويىنشا قاماۋعا الىندى. بۇل تۋرالى قاراعاندى وبلىستىق پوليسيا دەپارتامەنتى ءمالىم ەتتى، - دەپ حابارلايدى اqshamnews.kz.
ۆەدومستۆونىڭ مالىمەتىنشە، الەۋمەتتىك جەلىلەردى مونيتورينگتەۋ بارىسىندا پوليسيا قىزمەتكەرلەرى Threads جەلىسىندە قاراعاندى تۇرعىنىنىڭ جاريالاعان جازباسىن انىقتاعان. تەكسەرۋ ناتيجەسىندە بۇل دەرەك بويىنشا ق ر قىلمىستىق كودەكسىنىڭ 174-بابى 1-بولىگى (ارازدىقتى قوزدىرۋ) بويىنشا قىلمىستىق ءىس قوزعالدى.
پوليسيا دەپارتامەنتى مالىمەتىنشە، سوتالدى تەرگەۋ بارىسىندا كۇدىكتىنىڭ ەلدەن كەتۋگە نيەتتى ەكەنى تۋرالى اقپارات الىنعان.
"كۇدىكتى ۋاقىتشا ۇستاۋ يزولياتورىنا قامالدى. تەرگەۋ بارىسىندا 22 جاستاعى قاراعاندىلىق بويجەتكەن Threads الەۋمەتتىك جەلىسىندە ۇلتارالىق ارازدىق بەلگىلەرى بار جازبا جاريالاعانى انىقتالدى. تەرگەۋ ورگاندارىنا ونىڭ ەلدەن شىعۋعا دايىندالىپ جاتقانى تۋرالى مالىمەت جەتكەننەن كەيىن، ونى قاماۋعا الۋ تۋرالى ءوتىنىش تۇسىرىلگەن"، – دەپ حابارلادى ۆەدومستۆودان.
قىلمىستىق كودەكستىڭ 174-بابىنا سايكەس، 2 000-نان 7 000 اەك-كە دەيىن (7 863 000 – 27 524 000 تەڭگە) ايىپپۇل سالۋ، نە بوستاندىعىن شەكتەۋ، نە ەكى جىلدان جەتى جىلعا دەيىن باس بوستاندىعىنان ايىرۋ جازاسى قاراستىرىلعان.
22 شىلدەدە قاراعاندى قالاسىنىڭ تەرگەۋ سوتى تەرگەۋ ورگانىنىڭ ءوتىنىشىن قاناعاتتاندىردى. تەرگەۋ اياقتالعانعا دەيىن كۇدىكتى ەكى اي مەرزىمگە قاماۋعا الىندى. ءقازىر سوتالدى تەرگەۋ جالعاسىپ جاتىر، قاجەتتى ساراپتامالار تاعايىندالدى. تەرگەۋ قورىتىندىسى بويىنشا پروسەسسۋالدىق شەشىم قابىلدانادى.
بۇعان دەيىن بويجەتكەننىڭ جازبالارى الەۋمەتتىك جەلىدە قىزۋ تالقىلانىپ، كوپتەگەن قولدانۋشى ولاردى قورلايتىن دەپ ساناعان. كەيىن سىننان كەيىن بويجەتكەن ۆيدەو جازىپ، جازبالارى ارقىلى رەنجىگەندەردىڭ بارلىعىنان كەشىرىم سۇرادى.