ق ر الەۋمەتتىك كودەكس قولدانىسقا ەنگىزگەلى 2023 جىلعى 1 شىلدەدە ەلىمىزدە مەملەكەتتىك الەۋمەتتىك قورعاۋ ينسپەكتورلارىنىڭ ينستيتۋتى ەنگىزىلدى، ونىڭ قۇزىرەتىنە مۇگەدەكتىگى بار ادامداردى الەۋمەتتىك قورعاۋ، ارناۋلى الەۋمەتتىك قىزمەتتەر كورسەتۋ جانە الەۋمەتتىك قامسىزداندىرۋ سالاسىنداعى زاڭنامانىڭ ساقتالۋىن باقىلاۋدى جۇزەگە اسىرۋ كىرەدى.
2024 جىلدىڭ باسىنان بەرى الەۋمەتتىك ينسپەكتورلار 1201 تەكسەرۋ جۇرگىزدى، ونىڭ 269-ى پروفيلاكتيكالىق باقىلاۋ شەڭبەرىندە، 668ء-ى پروكۋراتۋرانىڭ تالابى بويىنشا جۇرگىزىلدى، دەپ حابارلايدى Almaty-akshamy.kz ق ر ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
مەملەكەتتىك باقىلاۋمەن: اكىمدىكتەر – 57، ءدارىحانالار – 10، ارناۋلى الەۋمەتتىك قىزمەتتەر كورسەتۋ ورتالىقتارى – 34، دك – 21، مەكتەپتەر – 650، دۇكەندەر – 9، جەرگىلىكتى اتقارۋشى ورگاندار باسقارمالارى – 26، مادەنيەت ۇيلەرى – 6، مۇراعات، مۇراجايلار – 6، بانك فيليالى – 4، بالاباقشالار – 1، كوللەدجدەر، ليسەيلەر – 3، كافە، مەيرامحانالار، قوناق ۇيلەر – 3، نوتاريۋس – 1، مەملەكەتتىك مەكەمەلەر – 10، اۋرۋحانالار مەن ەمحانالار – 15، ساناتورييلەر – 2، ساۋدا ۇيلەرى – 7، قازپوشتا فيليالدارى – 3، پوليسيا پۋنكتتەرى – 3، ستوماتولوگيا – 2، وڭالتۋ ورتالىقتارى – 2، اۆتوبۋس پاركى – 1، كىتاپحانا – 1، بجسم – 1 جانە باسقالار.
وسىلايشا، ەڭبەك جانە الەۋمەتتىك قورعاۋ كوميتەتىنىڭ سولتۇستىك قازاقستان وبلىسى بويىنشا دەپارتامەنتى ءبىرىنشى توپتاعى مۇگەدەكتىگى بار ادامنىڭ ءوتىنىشى نەگىزىندە ەرەكشە قاجەتتىلىكتەرى بار ادامدار ءۇشىن قولجەتىمدىلىكتىڭ بولماۋى فاكتىسى بويىنشا ءدارىحانا مەن ساۋدا ۇيىنە جوسپاردان تىس تەكسەرۋلەر جۇرگىزدى. تەكسەرۋ ناتيجەلەرى بويىنشا كاسىپكەرلىك سۋبەكتىلەرى ايىپپۇل تۇرىندە اكىمشىلىك جاۋاپكەرشىلىككە تارتىلدى، انىقتالعان بۇزۋشىلىقتاردى جويۋ تۋرالى نۇسقاما ەنگىزىلدى.
سونىمەن قاتار، وڭىرلەردەگى الەۋمەتتىك ينسپەكتورلار مۇگەدەكتىگى بار ادامداردىڭ زاڭدى قۇقىقتارىن قامتاماسىز ەتۋ ءۇشىن الەۋمەتتىك ينفراقۇرىلىم وبەكتىلەرىنىڭ بەيىمدەلۋ ءىس-شارالارىن جۇرگىزۋدە وڭ ديناميكانى اتاپ ءوتتى.
ماسەلەن، جەتىسۋ وبلىسىنىڭ تۇرعىنى، ءبىرىنشى توپتاعى مۇگەدەك ۆاديم ءدرۋزيننىڭ ايتۋىنشا، مەنشىك يەلەرى نىسانداردى قۇرىلىس نورمالارىنا سايكەس كەلتىرۋگە تىرىسۋدا.
«كوپتەگەن كاسىپكەرلەر، سول سياقتى مەملەكەتتىك مەكەمەلەر مۇگەدەكتىگى بار ادامداردىڭ شاعىمدارى مەن ۇسىنىستارىن ەسكەرە وتىرىپ، كىرەبەرىستەردى قايتا قاراۋدا. نازاربايەۆ ك-سى، 81 مەكەنجايىندا ورنالاسقان «گۋم» ساۋدا ۇيىنە بارعان كەزدە ول مۇگەدەكتىگى بار ادامدار ءۇشىن قول جەتىمدىلىگىنە تاڭ قالدى. سونداي-اق جاقىندا KMF بانكتىڭ بولىمشەسىنە باردى، وندا كىرەبەرىستەر قايتا جاڭارتىلىپ، كىرۋ الاڭى كەڭەيتىلدى، كرەسلو-ارباداعى مۇگەدەكتىگى بار ادامدارعا ارنالعان ارنايى كاسسا، تاكتيلدى تاقتايشالار مەن كورسەتكىشتەر ورناتىلدى. بۇل قالا تۇرعىندارى، ونىڭ ىشىندە بىزدەر كوپ باراتىن ورىندار»، – دەدى ەر ادام.
سونىمەن قاتار، ق ر ەڭبەكمينى ەڭبەك جانە الەۋمەتتىك قورعاۋ كوميتەتىنىڭ اۋماقتىق دەپارتامەنتتەرى 2024 جىلعى 1-توقساندا 854 تەكسەرۋ جۇرگىزىپ، انىقتالعان بۇزۋشىلىقتاردى جويۋ تۋرالى 372 ۇيعارىم بەردى، 81،2 ملن تەڭگەدەن استام سوماعا 344 ايىپپۇل سالدى.