2024 جىلدىڭ ءبىرىنشى جارتىجىلدىعىنىڭ قورىتىندىسى بويىنشا قازاقستاندىقتارعا الەۋمەتتىك-ەڭبەك سالاسىندا 16،5 ملن رەت ءتۇرلى مەملەكەتتىك قىزمەت كورسەتىلدى، ونىڭ 15 ملن-ى نەمەسە 90،75% - ى ەلەكتروندىق فورماتتا بولدى. ونىڭ 818 مىڭى پرواكتيۆتى تۇردە كورسەتىلدى، دەپ حابارلايدى aqshamnews.kz سالا مينيسترلىگىنە سىلتەمە جاساپ.
الەۋمەتتىك-ەڭبەك سالاسىنداعى مەملەكەتتىك كورسەتىلەتىن قىزمەتتەر تىزىلىمىنە سايكەس مەملەكەتتىك كورسەتىلەتىن قىزمەتتەردىڭ 51 ءتۇرى كوزدەلگەن، ونىڭ ىشىندە 48 ءتۇرى ەلەكتروندىق تۇردە («ەلەكتروندىق ۇكىمەت» پورتالى، EGOV mobile موبيلدىك قوسىمشالارى جانە ەكىنشى دەڭگەيدەگى بانكتەر ارقىلى) كورسەتىلەدى، ونىڭ ىشىندە 28 قىزمەت پرواكتيۆتى فورماتتا قولجەتىمدى.
ق ر ەڭبەك جانە حالىقتى الەۋمەتتىك قورعاۋ مينيسترلىگى مەملەكەتتىك قىزمەت كورسەتۋ تاسىلدەرىن كەڭەيتۋ بويىنشا تۇراقتى نەگىزدە جۇمىستار جۇرگىزۋدە.
ماسەلەن، بيىل «ەلەكتروندىق ۇكىمەت» پورتالىندا «جەرگىلىكتى وكىلدى ورگانداردىڭ شەشىمدەرى بويىنشا مۇقتاج ازاماتتاردىڭ جەكەلەگەن ساناتتارىنا الەۋمەتتىك كومەك تاعايىنداۋ» مەملەكەتتىك قىزمەتى اۆتوماتتاندىرىلدى (وسى قىزمەتتىڭ 3 كىشى ءتۇرى).
سونداي-اق بيىل ەدب ءموبيلدى قوسىمشالارى ارقىلى «مەملەكەتتىك اتاۋلى الەۋمەتتىك كومەك تاعايىنداۋ» مەملەكەتتىك قىزمەتى ىسكە اسىرىلدى. وسىلايشا، قازىرگى ۋاقىتتا ەدب ءموبيلدى قوسىمشالارىنا الەۋمەتتىك-ەڭبەك سالاسىنىڭ 10 تانىمال قىزمەتى بىرىكتىرىلگەن.
بۇدان باسقا، «مۇگەدەكتىگى بار بالالاردى ۇيدە وقىتۋعا جۇمسالاتىن شىعىنداردى وتەۋ» مەملەكەتتىك قىزمەتى پرواكتيۆتى فورماتقا شىعارىلدى.
مەملەكەتتىك قىزمەت كورسەتۋ ۇدەرىستەرىن وڭتايلاندىرۋ باعىتتارىنىڭ ءبىرى – شەشىم قابىلداۋ كەزىندە ادامي فاكتوردى الىپ تاستاۋ جانە قىزمەت كورسەتۋ مەرزىمىن قىسقارتۋ.
مەملەكەتتىك قىزمەتتەردى ترانسفورماسيالاۋ جانە رەينجينيرينگ شەڭبەرىندە جىل باسىنان بەرى پرواكتيۆتى قىزمەت كورسەتۋ كەزىندە 4 مەملەكەتتىك كورسەتىلەتىن قىزمەت اۆتوماتتاندىرىلدى: «التىن القا»، «كۇمىس القا» القالارىمەن ناگرادتالعان نەمەسە بۇرىن «باتىر انا» اتاعىن العان، I جانە II دارەجەلى «انا داڭقى» وردەندەرىمەن ناگرادتالعان كوپبالالى انالارعا مەملەكەتتىك جاردەماقى تاعايىنداۋ»، «مۇگەدەكتىگى بويىنشا مەملەكەتتىك الەۋمەتتىك جاردەماقى تاعايىنداۋ»، «جەرلەۋگە بەرىلەتىن ءبىرجولعى تولەم تاعايىنداۋ»، «ارناۋلى مەملەكەتتىك جاردەماقى تاعايىنداۋ» (1، 2، 3-توپتاعى مۇگەدەكتىگى بار ادامدارعا). وسىلايشا، بۇل قىزمەتتەر ادامنىڭ قاتىسۋىنسىز اۆتوماتتى تۇردە اقپاراتتىق جۇيەمەن كورسەتىلەدى، بۇل جاردەماقى تاعايىنداۋ تۋرالى شەشىم قابىلداۋ مەرزىمىن 8-دەن 1 جۇمىس كۇنىنە دەيىن قىسقارتۋعا مۇمكىندىك بەردى.
باسقا قىزمەتتەر بويىنشا كورسەتۋ ءتارتىبى دە جەڭىلدەتىلدى – الگوريتمنەن «ازاماتتارعا ارنالعان ۇكىمەت» مەملەكەتتىك كورپوراسياسى» كەاق قىزمەتكەرلەرىنىڭ ءوتىنىشتى قاراۋى الىپ تاستالدى. بۇل سونىمەن قاتار قىزمەت كورسەتۋ مەرزىمىنە وڭ اسەر ەتىپ، ونى 8-دەن 4 جۇمىس كۇنىنە دەيىن قىسقارتتى.
سونىمەن قاتار، حالىقتى جۇمىسپەن قامتۋعا بايلانىستى قىزمەتتەر («جۇمىس ىزدەپ جۇرگەن ادامداردى تىركەۋ»، «جۇمىسسىزداردى تىركەۋ»، «جۇمىسىنان ايىرىلۋ جاعدايى بويىنشا الەۋمەتتىك تولەم تاعايىنداۋ») «ەلەكتروندىق ەڭبەك بيرجاسى» (enbek.kz) پلاتفورماسىندا ىسكە اسىرىلدى.