قازاقستاندا سالىنعان ەكپەنىڭ قۇجاتىن تايلاند، موڭعوليا، ۆەنگريا، قىرعىزستان، گرۋزيا، كيپر، تۇركيا ەلدەرى مويىندادى.
قازاقستاندا الىنعان ۆاكسينا پاسپورتىن مويىندايتىن ەلدەر اتالدى، دەپ حابارلايدى قازاقپارات ءتىلشىسى.
ق ر دسم وكىلى ايجان ەسماعامبەتوۆانىڭ ايتۋىنشا، دەنساۋلىق ساقتاۋ مينيسترلىگى سىرتقى ىستەر مينيسترلىگىمەن بىرلەسىپ ءوزارا ۆاكسينا پاسپورتىن مويىنداۋ تۋرالى كەلىسسوزدەر جۇرگىزىپ جاتىر،دەپ حابارلايدى Almaty-akshamy.kz
«ۆاكسينا الۋدا ونىڭ پاسپورتى شەتەلدە مويىندالعانى ەمەس، ونىڭ قانشالىقتى ءتيىمدى ەكەنى ماڭىزدى. باستى ماقسات – ۆاكسينانىڭ ادام اعزاسىن قورعاۋى، سول ارقىلى دەنساۋلىعىمىزدى ساقتايمىز. ءبىز ءۇشىن ەڭ باستىسى وسى. بۇگىنگى كۇنى قازاقستاندا الىنعان ۆاكسينانىڭ پاسپورتىن تايلاند، موڭعوليا، ۆەنگريا، قىرعىزستان، گرۋزيا، كيپر، تۇركيا ەلدەرى مويىنداپ وتىر. سول سەكىلدى رەسەيدە دە ەاەو اياسىندا ۆاكسينا پاسپورتىن مويىنداۋ كەلىسسوزى جۇرگىزىلۋدە. شەتەلدىكتەردىڭ ۆاكسينا پاسپورتىن ءبىز عانا مويىنداپ قويماي، ەكىجاقتى ەتۋ مىندەتى تۇر»، - دەدى ق ر دەنساۋلىق ساقتاۋ مينيسترلىگى سانيتاريالىق-ەپيدەميولوگيالىق باقىلاۋ كوميتەتىنىڭ ءتوراعاسى ايجان ەسماعامبەتوۆا.