الەمنىڭ 32 ەلىندە ۆەيپتەردى ساتۋعا تىيىم سالىنعان

ءماجىلىس دەپۋتاتى نۇرگۇل تاۋ پرەمەر-مينيسترگە دەپۋتاتتىق ساۋال جولدادى.

ونىڭ ايتۋىنشا، ءقازىر ەلەكتروندى تەمەكىگە تاۋەلدىلەردىڭ قاراسى پروگرەسيۆتى جىلدامدىقپەن ارتىپ كەلەدى، دەپ حابارلايدى Almaty-akshamy.kz.

نۇرگۇل تاۋ Respublica پارتياسىنا مەكتەپ وقۋشىلارى مەن جاستار اراسىندا «ۆەيپ» اتىمەن تانىمال ەلەكتروندى تەمەكىلەردىڭ جاپپاي تارالۋىنا جانە قولدانىلۋىنا تىيىم سالۋ تۋرالى كوپ ءوتىنىش تۇسكەنىن اتاپ ءوتتى. بۇل رەتتە دەپۋتات ءاليحان سمايىلوۆتى وسى كۇردەلى ماسەلەگە نازار اۋدارۋدى سۇرادى. ناقتىراق:

1. دەپۋتاتتىق ساۋالدا قويىلعان ماسەلەلەردى قاراۋعا جانە ەلىمىزدە ۆەيپتەر مەن ونىڭ باسقا تۇرلەرىن ساتۋعا تولىعىمەن تىيىم سالۋ مۇمكىندىگىن قاراستىرۋعا؛

2. ەلەكتروندى تەمەكىلەردىڭ، ونىڭ ىشىندە ۆەيپتەردىڭ جارناماسىنا تىيىم سالۋعا جانە وسىعان بايلانىستى جاۋاپكەرشىلىكتى كۇشەيتۋگە؛

ءوتىنىش بىلدىرگەن اتا-انالار قۇرامىندا نيكوتينى بار ديەۆايستاردىڭ تارالۋىنا جانە ساتىلۋىنا تۇبەگەيلى قارسىلىق بىلدىرگەن. ءقازىر الەمنىڭ 32 ەلىندە ۆەيپتەردى ساتۋعا تىيىم سالىنعان. ولاردىڭ قاتارىندا دانيا، نورۆەگيا، ۋرۋگۆاي، ارگەنتينا، پاناما، برازيليا، مەكسيكا، كانادا، تايلاند، ءۇندىستان، گونكونگ، سينگاپۋر، مالايزيا، فيليپپين، ليۆان، قاتار جانە تاعى باسقا ەلدەر بار.