سپورتتىق سايىس گەنەرال-مايور رۇستەم قايداروۆتى ەسكە الۋعا ارنالدى.
جىل سايىن ۇيىمداستىرىلاتىن ءداستۇرلى جارىسقا بيىل ەلىمىزدىڭ بارلىق وڭىرىنەن جانە قىرعىزستان مەن تاجىكستاننان، سونداي-اق ۋكراينادان 200-دەن اسا ۇمىتكەر قاتىستى. 2 كۇندىك جارىستىڭ قورتىندىسى بويىنشا، جالپى كوماندالىق ەسەپتە ورتالىق ارمياشىلار كومانداسى توپ جارسا، اباي وبلىسىنان كەلگەن سامبوشىلار 2ء-شى، ال الماتى وبلىسىنىڭ قۇراماسى ۇشتىكتى تۇيىندەدى. جامبىلدىق ەرلان ماحمۇتوۆ پەن 98 كەلىدە بەلدەسكەن كەنجەبەك تۇيمەبەكتەردىڭ بوز كىلەمدەگى جانكەشتىلىگىنە جانكۇيەرلەر قول سوقتى. وسى جارىستىڭ جەڭىمپازدارى ەندى الەم بىرىنشىلىگىندە ەل نامىسىن قورعايدى.
«بۇل جارىس - نەگىزى الەم چەمپيونتىنا دايىندىق. ىرىكتەۋ جارىسى بولىپ جاتىر. بۇل جارىستا 1ء-شى ورىن العان سپورتشىلارعا سپورت شەبەرى دەگەن اتاعى بەرىلەدى. بۇل جارىستىڭ ماقساتى - جاستاردى سپورتقا باۋلۋ. كەلەشەكتە ەلىمىزدىڭ تۋىن ۇلكەن-ۇلكەن جارىستاردا جەلبىرەتسە دەگەن نيەتپەن جىلدا وتكىزەمىز»، - دەدى الماتى قالاسى سامبو فەدەراسياسىنىڭ پرەزيدەنتى باقتيار قۇناقىنوۆ.