استانادا اوسشك ەرىكتىلەر قوزعالىسى كوشباسشىلارىنىڭ سلەتىنە بەلسەندى دايىندالۋدا.
ول اعىمداعى جىلدىڭ قازان ايىندا اوسشك-نىڭ VI ءسامميتى بارىسىندا ايتىلعان پرەزيدەنتتىڭ باستاماسىمەن وتەدى، دەپ حابارلايدى aqshamnews.kz مادەنيەت جانە اقپارات مينيسترلىگىنە سىلتەمە جاساپ.
وسىعان بايلانىستى مادەنيەت جانە اقپارات ۆيسە-مينيسترى ايزادا قۇرمانوۆانىڭ، اوسشك باس حاتشىسىنىڭ ورىنباسارى چجان لياننىڭ، سىرتقى ىستەر مينيسترلىگى جانە استانا اكىمدىگى وكىلدەرىنىڭ قاتىسۋىمەن ۇيىمداستىرۋ كوميتەتىنىڭ وتىرىسى ءوتتى. كەزدەسۋدە الداعى سلەت باعدارلاماسى، قاتىسۋشىلاردىڭ لوگيستيكاسى، ۇيىمداستىرۋشىلىق-تەحنيكالىق ساتتەر مەن قاۋىپسىزدىك ماسەلەلەرى تالقىلاندى.
اوسشك ەرىكتىلەر سلەتى 3-4 قازاندا استانادا وتەتىنىن ەستەرىڭىزگە سالاي كەتەيىك. ازيانىڭ 27 ەلىنەن 400 بەلسەندى قاتىسادى. ولار ءۇشىن تاقىرىپتىق پانەلدىك سەسسيالار، ءبىلىم بەرۋ جانە مادەني ءىس-شارالار ۇيىمداستىرىلادى.
سلەتتىڭ ماقساتى - تۇراقتى دامۋ ماقساتتارىن ىسكە اسىرۋداعى ۆولونتەرلىكتىڭ ءرولىن بەلگىلەۋ جانە ازيا ەلدەرىندەگى مادەنيەتارالىق ديالوگىن نىعايتۋ. سونداي-اق كەزدەسۋ ماڭىزدى الەۋمەتتىك ماسەلەلەردى تالقىلاۋعا ارنالعان الاڭ بولادى.
سونىمەن قاتار سلەت شەڭبەرىندە اوسشك جاستار كەڭەسىنىڭ VIءى وتىرىسى جوسپارلانعان، ونىڭ قورىتىندىسى بويىنشا ۆولونتەرلىكتى دامىتۋ بويىنشا بىرلەسكەن ۇسىنىمدار قابىلداناتىن بولادى.