الماتىدا حوستەل اۋماعىندا بولعان ورتكە قاتىستى كەلەسىنى حابارلايمىز.
عيماراتتىڭ يەسى - «كۋسا حالىك» ج ش س. جالعا الۋشى – «ALA Hostel» ج ش س، جالداۋ جونىندەگى كەلىسىم شارت 21.09.2023 جىلى جاسالعان.
جەر ۋچاسكەسىنىڭ نىسانالى ماقساتى: دۇكەندى پايدالانۋ جانە قىزمەت كورسەتۋ ءۇشىن. بۇل نىسان ءبىر جارىم اي بۇرىن حوستەلگە اينالدى. حوستەل الاڭى 457 شارشى مەتردى قۇرايدى.
ايتا كەتەرلىگى، «قر-داعى ساۋلەت، قالا قۇرىلىسى جانە قۇرىلىس قىزمەتى تۋرالى» قازاقستان رەسپۋبليكاسىنىڭ زاڭىنا سايكەس ءۇي-جايلاردى قايتا جابدىقتاۋ كەزىندە رۇقسات قۇجاتتارىن الۋ كەرەك. ونىڭ ۇستىنە الماتىنىڭ قالالىق جوسپارلاۋ جانە ۋربانيستيكا باسقارماسى قايتا جابدىقتاۋعا ارنالعان باستاپقى رۇقسات قۇجاتتارىن (اپز، شەشىم) بەرمەگەن. دۇكەننەن حوستەلگە فۋنكسيونالدىق ماقساتى وزگەرگەن كەزدە سانيتارلىق-ەپيدەميولوگيالىق، قۇرىلىس تالاپتارى مەن ءورت قاۋىپسىزدىگى ەرەجەلەرىن ورىنداۋى قاجەت.
حوستەلدى جەرتولە جانە جەرتولە قاباتتارىندا ورنالاستىرۋعا سانيتارلىق-ەپيدەميولوگيالىق تالاپتاردىڭ 23-تارماعىنا سايكەس تىيىم سالىنادى.
وسىلايشا، جوعارىدا اتالعان مەكەنجاي بويىنشا حوستەل سانيتارلىق-ەپيدەميولوگيالىق، قۇرىلىس تالاپتارى مەن ءورت قاۋىپسىزدىگى ەرەجەلەرىن بۇزا وتىرىپ، زاڭسىز ورنالاسقان.
اقپارات حابارلاردىڭ جىبەرىلۋىنە وراي تولىقتىرىلاتىن بولادى. رەسمي دەرەككوزدەرگە عانا سىلتەمە جاساعان ءجون.