قالانىڭ قاربالاس تىرشىلىگىندە كولىككە تاۋەلدى ءارقايسىمىز ءۇشىن جاياۋ ءجۇرۋ سيرەك ادەتكە اينالىپ بارادى. جاياۋ ءجۇرۋ – بۇرىنعىداي كۇندەلىكتى قاجەتتىلىك ەمەس، ۇمىت بولا باستاعان داعدى سەكىلدى. ال ءدال وسىنداي زاماندا جاياۋ ءجۇرۋدى حوببي ەمەس، ومىرلىك سالتىنا اينالدىرعان اسحات قاجىتاي ەسىمدى قاراعاندىلىق ازامات تۇركيادان گرۋزياعا دەيىن 1111 شاقىرىمدى جاياۋ ءجۇرىپ وتكەن. "الەمدى جاياۋ ارالايمىن" دەگەن ۇرانمەن ساپارعا شىققان ساياحاتشى جاياۋ ءجۇرۋدىڭ ادام دەنساۋلىعىنا عانا ەمەس، جان دۇنيەسىنە دە پايداسى زور ەكەنىن ايتادى. اqshamnews.kz تءىلشىسى «جاياۋMan» اتانعان جيھانكەزبەن سۇحباتتاستى.
اسحات قاجىتاي – قاراعاندى وبلىسى، اقتوعاي ءوڭىرىنىڭ تۋماسى. بالالىق شاعى قىزىلاراي تاۋىنىڭ باۋرايىندا وتكەن ازامات، تابيعاتتى ءسۇيىپ، بالا كۇنىنەن جاياۋ ءجۇرۋدى ءسۇيىپ، وڭاشا سەرۋەندەۋدى ادەتكە اينالدىرعانىن اتاپ ءوتتى. جۇرت اسحات قاجىتايدى «جاياۋMan» دەپ اتاپ كەتكەن.
العاشقى شاقىرىمدار
جاياۋ جۇرۋگە دەگەن قۇشتارلىق بالا كەزدەن قالعان اسقاق ارماننان باستالعان اسحات مىرزانىڭ وزىنشە، تۋعان جەرگە دەگەن ىستىق ماحاببات بەرىك ماقساتقا اينالىپ، ۇزاق ساپارعا جەتەلەگەن.
«2000-جىلدارى 5-سىنىپ وقىپ جۇرگەنىمدە اكەمنىڭ جۇمىسىنا بايلانىستا باسقا اۋىلعا كوشتىك. سول كەزدە اقسوراڭمەن قيماي قوشتاستىم. جاسىم 11-12 شاماسىندا بولاتىن. سول ساتتە “اقسوراڭىم، مەن ساعانالەمنىڭ قاي تۇكپىرىنەن بولسىن جاياۋ بولسىن قايتا كەلەمىن” دەپ بالا كوڭىلمەن ۋادە بەرگەنىم ەسىمدە. سول ۋادەمدى 2021 جىلى ورىندادىم. العاش رەت قاراعاندىدان اقسوراڭعا دەيىن 7 كۇن ىشىندە 333 كم جاياۋ ءجۇرىپ ءوتتىم. مارافون سوڭىندا تەڭىز دەڭگەيىنەن 1565 مەتر بيىكتىكتەگى اقسوراڭ شىڭىنا شىعىپ، تۋ تىكتىم. العاشقى ساپارىم وسىلاي باستالعان ەدى» دەيدى «جاياۋMan».
«دارىگەرلەر جاياۋ جۇرۋىمە قارسى بولدى»
العاشقى ۇزاق ساپارىن ارتقا تاستاعان ازامات الدىنان شىققان كەدەرگىلەرگە دە مويىنسۇنباعان. ايتۋىنشا، دارىگەرلەر ۇزاق ساپارعا شىعۋىنا قارسى بولىپ، دەنساۋلىعىن كۇتۋگە شاقىرعان. دەسە دە جان قالاۋىنا ەرىك بەرگەن جاياۋMan ۇزاق شاقىرىمدارىن قايتا باستاعان.
«بالا ارمانىم ورىندالدى عوي، قويامىن-اۋ دەگەن ويدا بولىپ ەدىم. ءبىراق تاعى دايىندالىپ قاراعاندىدان ۇلىتاۋعا دەيىن 777 شاقىرىم ءجۇرىپ ءوتتىم. بۇل مەنىڭ قازاقستانداعى ەكىنشى ۇزاق ساپارىم بولدى» دەدى ول.
1111 شاقىرىم قالاي ەڭسەرىلدى؟
2024 جىلى جاز ايىندا اسحات قاجىتاي شەتەلدەگى العاشقى ۇزاق ساپارىن ءساتتى اياقتادى. ساپارعا شىقپاس بۇرىن جاياۋMan يسپانيا مەن گەرمانيا مەملەكەتى اراسىندا دايىندىق جۇرگىزگەن.
«. بۇل ساپارعا 1 جىل فيزيكالىق-پسيحولوگيالىق تۇرعىدا دايىندالدىم. يسپانياعا ۆيزا الدىم. 7 شىلدە كۇنى استانادان فرانكفۋرت ارقىلى ۇشىپ، مادريدكە كەلدىم. يسپانيا استاناسىندا ەۋروپا اۋا رايىنا بەيىمدەلىپ، اەروپورتتان ايگىلى «رەال» كومانداسىنىڭ ستاديونى سانتياگو بەرنابەۋگە دەيىن 33 كم جاياۋ ءجۇرىپ بارىپ قايتتىم. كەيىن تۇركياعا جەتىپ، انكارا قالاسىنان گرۋزيانىڭ باتۋميىنە دەيىن 1111 شاقىرىم ءجۇرىپ ءوتتى. ساپار ۋاقىتى 26 كۇنگە سوزىلدى» دەدى اسحات مىرزا.
«جاياۋ ءجۇرۋدىڭ ءوزى عىلىم»
اسحات مىرزا جاياۋ ءجۇرۋدىڭ كوپشىلىك ءۇشىن ماسەلەگە اينالىپ بارا جاتقانىن، حالىق ونىڭ ماڭىزىن تۇسىنبەي جاتقانىن اتاپ ءوتتى.
«وسىدان بىرنەشە جىل بۇرىن ادامدار جاياۋ ءجۇرۋ دەگەن تەگىن كومفورتتان باس تارتادى دەپ ەشكىم ويلامادى. ءقازىر ادامدار جاياۋ جۇرۋگە زار بولىپ وتىر. ونىڭ پايداسىن، ماڭىزىن ءتۇسىنىپ وتىرعان جوق. تاعى ءبىر جارتى جىلدان كەيىن بۇل ودان سايىن كۇردەلى ماسەلەگە اينالادى. مەن ءقازىر كۇنىنە كەمى 30 شاقىرىم ءجۇرىپ وتىرامىن. بۇل مەنىڭ الداعى جوسپارلارىم ۇشىنە دە كەرەك دۇنيە» دەيدى ول.
جاياۋMan ەندىگى ساپارىن ەۋروپاعا جوسپارلاپ وتىرعانىن ايتتى. ءقازىر ول وسى ساپارعا دايىندىق جۇرگىزىپ جاتىر.
«جاياۋ ءجۇرۋدىڭ ءوزىن ادامدار قراپايىم دۇنيە دەپ ويلاۋى مۇمكىن. الايدا ول ۇلكەن ءبىر عىلىم. ونى ءارقاشان جەتىلدىرىپ وتىرۋ كەرەك. بىردەن الىس قاشىقتىققا شىعىپ كەتۋگە بولمايدى. كۇنىنە 10-15 كم ءجۇرىپ تاجىريبە جيناقتاۋعا بولادى. ۇزاق ساپارعا شىعامىن دەيتىن جاندار ءۇشىن فيزيكالىق دايىندىقتان بولەك، پسيحولوگيالىق كۇي دە اسا ماڭىزدى. جاياۋ ءجۇرۋ جۇرەك جۇمىسىن جاقسارتاتىن ەڭ جەڭىل جاتتىعۋ. كوبى وسى پايداسى ءۇشىن دە جاياۋ ءجۇرۋدى ادەتكە اينالدىرسا دەيمىن» دەپ جاۋاپ بەردى ول.
