جاپونيا استاناسىندا كوروناۆيرۋس جۇقتىرعاننان كەيىن سوزىلمالى اۋرۋلارى جوق 10 جاسقا جەتپەگەن بالا العاش رەت قايتىس بولدى.
دارىگەر تەكسەرىپ، كوروناۆيرۋستىق ينفەكسياعا وڭ ناتيجەلى تەست تاپسىرعاننان كەيىن قىز ۇيدە ەمدەلگەن، ويتكەنى ول تەك جەڭىل بەلگىلەردى عانا سەزىنگەن. الايدا، ەكى كۇننەن كەيىن ونىڭ جاعدايى ناشارلاپ، بالا شۇعىل اۋرۋحاناعا جاتقىزىلادى، كەيىننەن اۋرۋحانادا قايتىس بولدى، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-تىڭ Telegram كانالىنا سىلتەمە جاساپ.
ءولىمنىڭ رەسمي سەبەبى قازىرگى ۋاقىتتا بەلگىسىز، ءبىراق بۇل - توكيودا جاڭا COVID-19 جۇقتىرعاننان كەيىن 10 جاسقا جەتپەگەن بالانىڭ سوزىلمالى نەمەسە ىلەسپە اۋرۋلارسىز قايتىس بولۋىنىڭ العاشقى جاعدايى.
جاپونيا كوروناۆيرۋستىق ينفەكسيانى جۇقتىرۋدىڭ جاڭا جاعدايلارىنىڭ ءوسۋ قارقىنى بويىنشا بەس اپتا قاتارىنان كوش باستاپ كەلەدى. كۇندەلىكتى ءولىم-جىتىم بويىنشا ەل ءقازىر اقش-تان كەيىن ەكىنشى ورىندا - وتكەن اپتادا جاپونيادا 1،5 مىڭنان استام اۋرۋ جۇقتىرعاندار قايتىس بولدى.
سونىمەن قاتار، ەلدە ينفەكسيانىڭ تارالۋىنا بايلانىستى ەشقانداي شەكتەۋلەر ەنگىزىلگەن جوق. بيلىك حالىقتى قاجەتتى ساقتىق شارالارىن ساقتاۋعا، ال 65 جاستان اسقان ادامداردى قوسىمشا ۆاكسينالاۋدان وتۋگە شاقىرادى.
- كوروناۆيرۋستىق ينفەكسياعا قارسى ۆاكسينالاۋدىڭ قاۋىپسىزدىگى مەن تيىمدىلىگى اۋا تەمپەراتۋراسىنا بايلانىستى ەمەس، - دەيدى رەسەي فەدەراسياسىنىڭ ينفەكسيونيست-دارىگەرى.
"اۋا تەمپەراتۋراسى ۆاكسينالاۋدىڭ تيىمدىلىگىنە، قاۋىپسىزدىگىنە اسەر ەتپەيدى، سوندىقتان ەپيدەميالىق جاعدايدى ەسكەرە وتىرىپ، ۆاكسينانىڭ الدىڭعى دوزاسىن قابىلداعان جانە ءۇش-التى اي بۇرىن اۋىرعان كەز كەلگەن ادامعا ۆاكسينالاۋ ۇسىنىلادى"، - دەدى ول.