الەۋمەتتىك جەلىلەردەگى جاريالانىمدارعا بايلانىستى قوعامدىق دەنساۋلىق باسقارماسى حابارلايدى.
جەدەل جاردەم اۆتوكولىكتەرىن جۇرگىزۋشىلەر ەسەبىنەن جوندەۋ تۋرالى اقپارات شىندىققا جاناسپايدى. اۆتوماشينالاردى جوندەۋ مەن قىزمەت كورسەتۋدى جمجس اۆتوجوندەۋ شەبەرحاناسىنىڭ بولىمشەسى جۇرگىزەدى. 2019 جىلى 142 ملن تەڭگەدەن استام سوماعا، 2020 جىلى – 140 ملن تەڭگەگە، 2021 جىلدىڭ 9 ايىندا – 49 ملن تەڭگەگە قوسالقى بولشەكتەر اۋىستىرىلدى. سونىمەن قاتار، اۆتوموبيلدەردى پايدالانۋ مەرزىمىن ۇزارتاتىن كۇردەلى جوندەۋ جۇرگىزىلدى.
قوسالقى بولشەكتەر بويىنشا شىعىستار 2021 جىلى ليزينگكە 100 جاڭا اۆتوموبيل الۋعا بايلانىستى تومەندەدى. ولار تەحنيكالىق قىزمەت كورسەتۋدى «Hyundai Trans Auto» ج ش س، «ۆيراج-سەرۆيس كازاحستان» ج ش س، «Lion autocenter Almaty» ج ش س سەرۆيس ورتالىقتارىندا وتەدى.
جمكس بارلىق بريگادالارى بەلگىلەنگەن نورماتيۆكە سايكەس جاساقتالعان. كادرلاردىڭ تۇراقتاماۋى بايقالمايدى. شتات كەستەسىنە سايكەس قىزمەتكەرلەر سانى 3 583 بىرلىكتى قۇرايدى. ونىڭ ىشىندە دارىگەرلەر 362 بىرلىك، ورتا مەديسينالىق پەرسونال (فەلدشەرلەر) 1899 بىرلىك، سانيتارلار – 220 بىرلىك، جۇرگىزۋشىلەر – 922 بىرلىك، وزگە دە پەرسونال 180 بىرلىك. 2019 جىلمەن سالىستىرعاندا 265 مولشەرلەمەگە قىسقارتۋ دەنساۋلىق ساقتاۋدىڭ باسقا سۋبەكتىلەرىنە قىزمەت كورسەتۋ بويىنشا فۋنكسيالاردى الىپ تاستاۋعا بايلانىستى اكىمشىلىك-باسقارۋشىلىق جانە وزگە دە پەرسونالدى وڭتايلاندىرۋ ەسەبىنەن جۇرگىزىلدى.
2021 جىلى «الەۋمەتتىك مەديسينالىق ساقتاندىرۋ قورى» كەاق جمجس-مەن 7،4 ملرد تەڭگە سوماعا شارت جاساستى. ق ر پرەزيدەنتىنىڭ 2019 جىلعى 19 ماۋسىمداعى جارلىعىنا سايكەس جمكس دارىگەرلەرىنىڭ جالاقىسى 30%-عا، ورتا مەديسينالىق قىزمەتكەرلەردىڭ جالاقىسى 20%-عا ارتتى. جالاقى بويىنشا كىدىرىستەر جوق.
كوۆيدتىك ۇستەمەاقىنى تولەۋ ق ر دسم 2020 جىلعى 4 ساۋىردەگى № ق ر دسم ججم-28/2020 بۇيرىعىنا سايكەس جۇرگىزىلدى، جەدەل مەديسينالىق جاردەم دارىگەرلەرى مەن فەلدشەرلەرى ەكىنشى ءقاۋىپ توبىنا (ون ەسەلىك مرزپ - 425 مىڭ تەڭگە)، ال جەدەل مەديسينالىق كومەك بريگادالارىنىڭ جۇرگىزۋشىلەرى ءۇشىنشى ءقاۋىپ توبىنا (بەس ەسەلىك مرزپ - 212 مىڭ تەڭگە) جاتقىزىلدى.
2021 جىلدىڭ قاڭتار-تامىز ايلارىندا بارلىعى 6،1 ملرد تەڭگە ۇستەماقى تولەندى (اي سايىن 2،1 مىڭ قىزمەتكەرگە).
مەديسينا قىزمەتكەرلەرىن 100% ۆاكسينالاۋعا بايلانىستى COVID-19 تارالۋىن بولدىرماۋ جونىندەگى ۆەدومستۆوارالىق كوميسسيانىڭ شەشىمى بويىنشا مەديسينا قىزمەتكەرلەرىن ىنتالاندىرۋ تاسىلدەرى قايتا قارالدى. اعىمداعى جىلدىڭ 1 قازانىنان باستاپ كوۆيدتىك ۇستەمەاقىلار جالاقى قۇرامىنا ەنگىزىلەدى جانە تۇراقتى سيپاتقا يە بولادى. الداعى ۋاقىتتا رەسپۋبليكالىق بيۋدجەت كوميسسياسىنىڭ قاراجات ءبولۋ جونىندەگى شەشىمى كۇتىلۋدە.
جمكس قىزمەتكەرلەرىنىڭ بارلىق وتىنىشتەرى بويىنشا ءتيىستى تەكسەرۋلەر جۇرگىزىلدى. جاعداي مۇقيات تەكسەرۋ جۇرگىزگەن دەنساۋلىق ساقتاۋ مينيسترلىگى مەن الماتى اكىمدىگىنىڭ باقىلاۋىندا.
2021 جىلعى 21 قازاندا دەنساۋلىق ساقتاۋ ۆيسە-مينيسترى ا.ب. ءنۇسىپوۆا جانە ءامسق باسقارما ءتوراعاسىنىڭ ورىنباسارى ۇجىممەن كەزدەسىپ، وقيعا ورنىندا جمجس-داعى جاعدايمەن تانىستى، الماتى قالاسىنىڭ قوعامدىق دەنساۋلىق باسقارماسى جاعدايعا وبەكتيۆتى تالداۋ جۇرگىزۋدە، ونىڭ ناتيجەلەرى بويىنشا جمكس-داعى قىزمەت پەن مورالدىق-پسيحولوگيالىق احۋالدى جاقسارتۋ بويىنشا ۇسىنىستار ەنگىزىلەتىن بولادى.
بۇدان باسقا، جوعارىدا اتالعان بارلىق دالەلدەردى Nur Otan پارتياسى الماتى قالالىق فيليالىنىڭ پارتيالىق باقىلاۋ كوميسسياسى، سونداي-اق الەۋمەتتىك ءال-اۋقات باسقارماسىنىڭ ەڭبەك ينسپەكتورى تەكسەرىپ، ءوز راستاۋىن تاپپادى.
باسقارما باسشىلىعى نەمەسە باسقا مەملەكەتتىك ورگاندار تاراپىنان جمكس قىزمەتكەرلەرىنە قىسىم كورسەتىلمەگەنىن جانە كورسەتىلمەگەنىن اتاپ وتكەن ءجون. ۇجىمدىق وتىنىشكە قول قويعانداردىڭ ىشىندە 77 ادام 65ء-ى قول قويۋدان ءوز ەركىمەن باس تارتتى، ويتكەنى ءوتىنىش ماتىنىمەن تانىسپادى.
جمكس ديرەكتورىنىڭ قۇقىق قورعاۋ ورگاندارىنا جۇگىنۋى ونىڭ ازاماتتىق قۇقىعى بولىپ تابىلادى، ويتكەنى ونى لاۋازىمعا تاعايىنداۋدىڭ زاڭسىزدىعى تۋرالى دالەلدەر شىندىققا سايكەس كەلمەيدى.
اتتەستاتتاۋعا قاتىستى كەلەسىلەردى تۇسىندىرەمىز. جمكس اكىمشىلىگى مەن ەكى كاسىپوداق ۇيىمى اراسىندا 2020 جىلعى 13 مامىردا 2023 جىلعى 25 اقپانعا دەيىن قولدانىستاعى ءۇشجاقتى ۇجىمدىق شارت تىركەلىپ، بەكىتىلدى. وعان جانە اتتەستاتتاۋ تۋرالى ەرەجەگە سايكەس جمكس قىزمەتكەرلەرى جىل ىشىندە ءبىر رەت اتتەستاتتاۋدان وتەدى.
2021 جىلعى 6 قىركۇيەكتە جۇرگىزۋشىلەر قۇرامى (877 ادام) اتتەستاتتاۋدان ءوتتى، 6 قازاننان باستاپ 88 جۇرگىزۋشى قايتا اتتەستاتتاۋعا جىبەرىلدى. قازىرگى ۋاقىتتا قايتا اتتەستاتتاۋ ءالى اياقتالعان جوق.
جمكس قىزمەتكەرلەرىنىڭ (جۇرگىزۋشىلەر ە.ك. جانە ش.ا.، فەلدشەر ت.ج.) كوپشىلىك الدىندا ءسوز سويلەۋى الماتى حالقىنا مەديسينالىق قىزمەت كورسەتۋ ساپاسىنىڭ ناشارلاۋىنا اكەپ سوعۋى مۇمكىن ۇيىم ۇجىمىنداعى جاعدايدى تۇراقسىزداندىرۋ ارەكەتى رەتىندە باعالانۋى مۇمكىن ەكەنىن وكىنىشپەن ايتۋعا ءماجبۇرمىز. بۇدان باسقا، اتالعان ادامدار ەڭبەك ءتارتىبىن بۇزۋشىلار بولىپ تابىلادى، ەڭبەك زاڭناماسىنا سايكەس قولدانىلعان تارتىپتىك جازالارى بار.
الماتى قالاسىنىڭ قوعامدىق دەنساۋلىق باسقارماسى مەديسينالىق ۇيىمداردىڭ بارلىق قىزمەتكەرلەرىنىڭ قۇقىقتارىن، ار-نامىسى مەن قادىر-قاسيەتىن قورعاۋ بويىنشا قاعيداتتى ۇستانادى جانە داۋلاردىڭ بارلىق قاتىسۋشىلارىن قۇقىقتىق ءورىس جانە قولدانىستاعى زاڭناما اياسىندا ماسەلەلەردى شەشۋگە شاقىرادى.
الماتى قالاسىنىڭ قوعامدىق دەنساۋلىق باسقارماسى