داۋىس بەرۋگە 116 ەلدەن 1 ميلليوننان استام ادام قاتىستى
الەمدەگى ەڭ سۇلۋ ارۋ وڭتۇستىك كورەيانىڭ ءانشىسى، اكتريسا ءارى مودەل كيم دجيسۋ بولىپ تانىلدى. بۇل ارادا بەس اي بويى ءارتۇرلى ەل تۇرعىندارى اراسىندا وتكىزىلگەن ونلاين-ساۋالناما دەرەكتەرى نەگىزىندە تاڭداۋ جاسالدى، دەپ حابارلايدى Almaty-akshamy.kz Zakon.kz-كە سىلتەمە جاساپ.
Nubia ونلاين-جۋرنالىنىڭ حابارلاۋىنشا، داۋىس بەرۋگە 116 ەلدەن 1 ميلليوننان استام ادام قاتىستى.
Black PINK توبىنىڭ مۇشەسى دجيتسۋ 500 مىڭ داۋىس جينادى. ءىى-ورىندا - تايۆاندىق ءان ورىنداۋشى جانە Twice ۇجىمىنىڭ ءسوليسى چجوۋ سزۋ يۋ. ءىىى-ورىندى Blackpink توبى قۇرامىنداعى تاي ءانشىسى، ءبيشى ءارى رەپەر لاليسا مانوبان ەنشىلەدى، دەپ جازادى باسىلىم.
بۇعان دەيىن اتالعان جۋرنال الەمدەگى ەڭ سۇلۋ جىگىتتى تاڭداۋ ءۇشىن 11 ەلدەن 189 ميلليوننان استام ادامدى ساۋالناماعا تارتقان. ناتيجەسىندە ءى-ورىندى قىتايلىق اكتەر ءارى ءانشى سياوچجان الدى، ول 2،2 ميلليوننان استام داۋىسقا يە بولعان.