قاتىسۋعا 100-گە جۋىق الماتىلىق كومپانيا ءوتىنىم بەردى
29، 30، 31 شىلدەدە الماتى قالاسى بويىنشا «قازاقستاننىڭ ۇزدىك تاۋارى» وڭىرلىك كورمە-بايقاۋى وتەدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
قاتىسۋعا 100-گە جۋىق الماتىلىق كومپانيا ءوتىنىم بەردى.
وڭىرلىك كورمە-بايقاۋ ءۇش نوميناسيا بويىنشا وتەدى:
• «وندىرىستىك ماقساتتاعى ۇزدىك تاۋارلار»؛
• «حالىققا ارنالعان ۇزدىك تاۋارلار»؛
• «ۇزدىك ازىق-تۇلىك تاۋارلارى».
ءار نوميناسيادا ءۇش جەڭىمپاز انىقتالادى. شارا الماتى قالاسىنىڭ باسشىلىعىنىڭ قاتىسۋىمەن وتەدى.
وڭىرلىك ىرىكتەۋ جەڭىمپازدارى قازاقستان رەسپۋبليكاسى پرەزيدەنتىنىڭ قاتىسۋىمەن وتەتىن رەسپۋبليكالىق بايقاۋعا قاتىسادى.
كورمە-بايقاۋدىڭ قوناقتارىن كونسەرتتىك باعدارلاما مەن باعالى سىيلىقتاردىڭ ۇتىس ويىنى كۇتەدى.