دۇنيە جۇزىندە ۆيرۋستىڭ تارالۋى باستالعاننان بەرى COVID-19-دان 5 972 607 ادام ىندەت جۇقتىرعان.
امەريكاندىق دجون حوپكينس ۋنيۆەرسيتەتىنىڭ مالىمەتتەرى بويىنشا، الەمدەگى COVID-19 جۇقتىرعان ادامداردىڭ سانى بەيسەنبى كۇنى تاڭەرتەڭ 440 172 104-كە جەتتى، دەپ حابارلايدى Almaty-akshamy.kz Interfax.ru سايتىنا سىلتەمە جاساپ.
20 ميلليوننان استام تۇرعىنى ينفەكسيا جۇقتىرعان ەلدەرگە اقش، ءۇندىستان، برازيليا جانە فرانسيا كىرەدى.
ىندەت جۇقتىرعان جانە قايتىس بولعان ادامدار سانى جونىنەن كوش باستاپ تۇرعان امەريكا قۇراما شتاتتارىندا 79 143 716 تۇرعىن ىندەت جۇقتىرعان، ال كوروناۆيرۋستان كوز جۇمعاندار سانى 954 518 قۇرادى.
ىندەت جۇقتىرعاندار بويىنشا ەكىنشى ورىندا ءۇندىستان تۇر، وندا ۆيرۋس جۇقتىرعاندار سانى 42 945،60 ادام، ال ۆيرۋستان قايتىس بولعاندار سانى 514 388 ادام بولدى.
ىندەت جۇقتىرعاندار بويىنشا ءۇشىنشى ورىندا برازيليا تۇر، وندا 28 846 495 ادام تىركەلگەن، 650 254 ادام قايتىس بولدى.
ال فرانسيا ءتورتىنشى ورىندا تۇر، وندا بارلىعى 23 017 711 ادام ىندەت جۇقتىرعان جانە 139 781 تۇرعىن كوز جۇمعان.
الەمدىك ماڭىزدى وقيعالار بويىنشا ستاتيستيكالىق مالىمەتتەرگە ماماندانعان Worldometer سايتىنىڭ مالىمەتتەرى بويىنشا، الەم حالقىنىڭ 1 ميلليونعا شاققانداعى ءولىم-جىتىمنىڭ كورسەتكىشى 768.9 ادام بولدى.