3 ناۋرىزدا ءۇشىنشى ەۆاكۋاسيالىق ۇشاقتى جىبەرۋ ماسەلەسى پىسىقتالۋدا.
ق ر سىرتقى ىستەر مينيسترلىگى مەن شەت ەلدەردەگى مەكەمەلەرى قازاقستان ازاماتتارىن ۋكراينادان ەۆاكۋاسيالاۋ جۇمىسى باستالعاننان بەرى 431 ازاماتقا، ونىڭ ىشىندە 404 ادامعا پولشاعا، 21 ادامعا مولدوۆاعا، 5 ادامعا ماجارستانعا، 1 ادامعا سلوۆاكياعا شىعۋعا جاردەم كورسەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازاقستاندىق ديپلوماتتار جوعارىدا اتالعان مەملەكەتتەردىڭ شەكاراسىنان ءوتۋدى، ازاماتتاردى جيناۋدى جانە قازاقستانعا ودان ءارى جەتۋدى قامتاماسىز ەتەدى.
«Air Astana» اۋەكومپانياسىنىڭ ەكى ەۆاكۋاسيالىق ۇشاعى 299 ادامدى شىعارىپ ۇلگەردى، ولار كاتوۆيسە قالاسىنان (پولشا) الماتى مەن نۇر-سۇلتان قالالارىنا جەتتى.
سونىمەن قاتار، 3 ناۋرىزدا ءۇشىنشى ەۆاكۋاسيالىق ۇشاقتى جىبەرۋ ماسەلەسى پىسىقتالۋدا.
قازىرگى ۋاقىتتا كاتوۆيسە قالاسىندا 68 ق ر ازاماتى ەلگە ورالاتىن ءساتىن كۇتىپ وتىر.
بۇعان دەيىن شەكارانى وتكەن ءبىرقاتار ازاماتتار ەو اۋماعىندا قالۋعا شەشىم قابىلدادى.
سونىمەن قاتار، ازاماتتارىمىزدى ۋكراين-پولياك شەكاراسىنا جەتكىزۋ ءۇشىن كييەۆتەن 57 ادامعا جانە لۆوۆتان 41 ادامعا ساپار ۇيىمداستىرىلدى.
«اتامەكەن» ۇكپ بەرگەن اقپاراتىنا سايكەس، ۋكرايناداعى اسكەري شيەلەنىس باستالعاننان كەيىن، ەل اۋماعىندا 47 جۇرگىزۋشى – ق ر ازاماتتارى جانە 8 جۇرگىزۋشى – شەت مەملەكەت ازاماتتارى بار - جالپى 55 اۆتوكولىك قالدى.
قازىرگى تاڭدا قازاقستاندىق ديپلوماتتاردىڭ كومەگىمەن 55 اۆتوكولىك قۇرالدارىنىڭ ىشىنەن جۇرگىزۋشىلەرمەن بىرگە 13 اۆتوكولىك ۋكراين-رەسەيلىك شەكاراسى ارقىلى رەسەي اۋماعىنا، 8 اۆتوكولىك مولدوۆاعا جانە 3 اۆتوكولىك پولشاعا شىعۋعا قولعابىس كورسەتىلدى.
قولدا بار دەرەكتەر بويىنشا، قازاقستاندىق تاسىمالداۋشىلاردىڭ 31 اۆتوكولىك قۇرالى ۋكراينا اۋماعىندا قالدى.
ازاماتتاردىڭ جانە جۇك تاسىمالداۋشىلاردىڭ ورنالاسقان جەرىنە بايلانىستى ق ر رەسەيدەگى، بەلارۋستەگى، پولشاداعى، سلوۆاكياداعى، ماجارستانداعى، رۋمىنياداعى جانە مولدوۆاداعى شەتەلدىك مەكەمەلەرى ولارمەن تۇراقتى بايلانىستا بولۋى جانە سول ەلدىڭ بيلىگىمەن اتالعان اۋماقتار ارقىلى ەۆاكۋاسيالاۋدى پىسىقتاۋدا، سونداي-اق نەعۇرلىم ءقاۋىپسىز ەۆاكۋاسيالىق جولداردى ۇسىنۋدا.