2023 جىلى الەم حالقى 66 ميلليون ادامعا كوبەيدى.
بۇل تۋرالى گەرمانيانىڭ «جەر حالقى» قورى جازدى. ۇيىم وكىلدەرىنىڭ ايتۋىنشا، ءقازىر جەر شارىمىزدا تۇرىپ جاتقان ادام سانى 8 ميلليارد 73 ميلليونعا جەتكەن، دەپ حابارلايدى اlmaty-akshamy.kz 24.kz-كە سىلتەمە جاساپ.
ءبىراق امەريكانىڭ حالىق ساناعى بيۋروسى سوڭعى ءبىر جىلدا جەر تۇرعىندارىنىڭ سانى 75 ميلليون ادامعا ارتتى دەگەن دەرەك كەلتىرىپ وتىر. بۇل – رەكوردتىق كورسەتكىش. ادامزات تاريحىندا ەڭ جوعارى ءوسىم بۇعان دەيىن 1965 پەن 1970 جىلدار ارالىعىندا تىركەلگەن ەدى. سودان كەيىن كورسەتكىش شامامەن ەكى ەسە تومەندەگەن بولاتىن.