وتكەن اپتادا الەمدە 3 ميلليوننان استام ادام كوروناۆيرۋس ينفەكسياسىن جۇقتىرسا، 50 مىڭنان استام ادام قايتىس بولدى، دەپ حابارلايدى almaty-akshamy.kz تاسس-قا سىلتەمە جاساپ.
سارسەنبى كۇنى دۇنيەجۇزىلىك دەنساۋلىق ساقتاۋ ۇيىمىنان (ددسۇ) ءمالىم ەتكەندەي، ينفەكسيا جۇقتىرعاندار سانى جەتى كۇندە 3%، ال قايتىس بولعاندار سانى 8% ارتتى.
«سوڭعى ءبىر اپتادا الەمدە كوروناۆيرۋس جۇقتىرعاندار سانى ونىڭ الدىنداعى اپتامەن سالىستىرعاندا ايتارلىقتاي ءوستى (3%). بارلىعى 3 ملن استام جاعداي تىركەلدى»، - دەلىنگەن ددسۇ ەپيدەميولوگيالىق بيۋللەتەنىندە.
قايتىس بولعاندار سانى ءبىر اپتادا 8% (50 مىڭ ادام) كوبەيدى. ىندەتتى جۇقتىرعانداردىڭ 60% ەۋروپا تۇرعىندارى. جەتى كۇندە ناۋقاستار سانى 6% ارتقان، امەريكادا – 3%، باتىس تىنىق مۇحيتى ەلدەرىندە 2% وسكەن. شىعىس جەرورتا تەڭىزىندە كۆي-دى جۇقتىرۋ ايتارلىق ازايعان (12%)، وڭتۇستىك-شىعىس ازيادا (9%) جانە افريكادا (9%) دا تومەندەگەن. ىندەتتەن قايتىس بولعانداردىڭ ەڭ كوبى وڭتۇستىك-شىعىس ازيادا تىركەلدى (50%).
بيۋللەتەندە كەلتىرىلگەن مالىمەتتەرگە سايكەس، 25-31 قازان ارالىعىندا الەمدە 3 021 634 ادام كوروناۆيرۋس جۇقتىرعان جانە 50 477 ادام قايتىس بولعان. ءبىر اپتادا ەڭ كوپ اۋرۋ جۇقتىرعان ەلدەرگە اقش (528 455)، ۇلىبريتانيا (285 028)، رەسەي (272 147)، تۇركيا (182 027) جانە ۋكراينا (152 897) كىرەدى.