التىن فيۋچەرستەرى ءبىر ۋنسياعا 1845،4 دوللارعا دەيىن ارزاندادى.
ساراپشىلاردىڭ پىكىرىنشە، التىننىڭ قۇنى قىتايدا ەنگىزىلگەن جاڭا كوروناۆيرۋس شەكتەۋلەرىنە بايلانىستى ارزانداپ بارادى، دەپ حابارلايدى Almaty-akshamy.kz
«نۇر-سۇلتان ۋاقىتى بويىنشا ساعات 10:57-دەگى جاعداي بويىنشا، نيۋ-يوركتىڭ Comex بيرجاسىندا التىننىڭ تامىز ايىنداعى فيۋچەرستەرىنىڭ باعاسى ءبىر تروي ۋنسياسىنا 7،3 دوللار نەمەسە 0،39% تومەندەپ، 1845،4 دوللار بولدى. شىلدە ايىنداعى كۇمىس فيۋچەرستەرى 0،84% ارزانداپ، ۋنسياسىنا 21،633 دوللار بولدى»، – دەلىنگەن ساۋدا دەرەكتەرىندە.
ينۆەستورلار جۇڭگو تاراپىنىڭ سۇرانىسىنان قاۋىپتەنىپ وتىر. ويتكەنى بيلىك بەيجىڭ مەن شانحايدا كوروناۆيرۋس پاندەمياسىنا قارسى جاڭا شەكتەۋ شارالارىن ەنگىزدى.
بۇدان بولەك، التىن باعاسىنا اقش مەملەكەتتىك وبليگاسيالارىنىڭ تابىستى بولۋى دا (اقش قازىناشىلىقتارى) اسەر ەتەدى، ول 3،055% كوتەرىلدى.