زەرتتەۋ 5-11 جاس ارالىعىنداعى 2 250 بالاعا جۇرگىزىلدى
«Pfizer-BioNTech» ۆاكسيناسى 5-11 جاس ارالىعىنداعى بالالارعا 90،7% تيىمدىلىگىن راستادى. بۇل تۋرالى جۇما كۇنى Pfizer كومپانياسى مالىمدەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
فارماكولوگيالىق كومپانيا اقش-تا اتالعان جاس ساناتىنا ۆاكسينانى جەدەل قولدانۋعا رۇقسات الۋ ءۇشىن ءوتىنىم جىبەردى. ول اقش-تىڭ دارى-دارمەك جونىندەگى فەدەرالدى اگەنتتىگىنىڭ سايتىندا جاريالانعان.
Pfizer دەرەكتەرىنە ساي، ەكىنشى دوزادان كەيىن كەم دەگەندە جەتى كۇن وتكەننەن كەيىن ۆيرۋستىڭ سيمپتومدىق فورمالارىنا قارسى ۆاكسينانىڭ تيىمدىلىگى 90،7 % كورسەتتى. زەرتتەۋ 5-11 جاس ارالىعىنداعى 2 250 بالاعا جۇرگىزىلدى. ولاردىڭ 1 500ء-ى ۆاكسينا، ال 750ء-ى پلاسەبو الدى.
Pfizer كومپانياسى ۆاكسينالاۋدان كەيىن اۋىر اۋرۋ تۇرلەرى مەن مۋلتي قابىنۋ سيندرومى نەمەسە ميوكارد جاعدايلارى تىركەلگەمەگەنىن حابارلادى.
بالالارعا ارنالعان دوزانىڭ مولشەرى – 10 ميكروگرام. ەرەسەكتەرگە 30 ميكروگرامم سالىنادى.
ءبىر اي بۇرىن Pfizer ۆاكسينانىڭ 5-11 جاستاعى بالالارعا ءقاۋىپسىز جانە ءتيىمدى ەكەنىن مالىمدەگەن، الايدا ونىڭ دالەلدەرى بولماعان.
ۆاكسينالار بويىنشا ىشكى ساراپشىلاردان تۇراتىن اقش-تىڭ دارى-دارمەك جونىندەگى فەدەرالدى اگەنتتىگىنىڭ كەڭەس بەرۋ كوميتەتى 26 قازان كۇنى Pfizer ءوتىنىمىن قاراستىرۋ بويىنشا كەزەكتى وتىرىس وتكىزەدى.
اقش-تىڭ دەنسۋلىق ساقتاۋ ورگاندارى 5-11 جاس ارالىعىنداعى بالالارعا Pfizer ۆاكسينانىن ەگۋگە رۇقسات ەتسە، بالالاردى ۆاكسينالاۋ ناۋقانى قاراشانىڭ باسىندا باستالىپ كەتپەك. اقش بيلىگى وسى اپتانىڭ باسىندا ەل بويىنشا ۆاكسينانىڭ ميلليونداعان دوزاسىن حالىق اراسىندا ءبولۋدى تەزدەتەتىنىن مالىمدەگەن.
ەۋروپا دارى-دارمەك اگەنتتىگى وسى اپتادا بەس جاستان اسقان بالالارعا كوروناۆيرۋسقا قارسى Pfizer/BioNTech ۆاكسيناسىن ەگۋدى كەڭەيتۋ بويىنشا ءوتىنىمدى قاراستىرا باستادى.
بەلگيانىڭ ۆاكسينالاۋ بويىنشا ماقساتتى توبىنىڭ وكىلى ەلدىڭ ەۋروپا دارى-دارمەك اگەنتتىگىنىڭ باعاسىنا سايكەس 12 جاسقا دەيىنگى بالالاردى ۆاكسينالاۋ بويىنشا شەشىم قابىلدايتىنىن ايتتى.
قازىرگى كەزدە ۆاكسينالاۋ سەرتيفيكاتى Green Pass ەۋرووداق ەلدەرىنىڭ كوبىندە 12 جاستان اسقان ازاماتتاردان قوعامدىق شارالارعا، ءدامحانالار مەن مەيرامحانالارعا بارعان كەزدە سۇرالادى.