ال ونىڭ زارداپتارىن جويۋعا ەكى عاسىردان اسا ۋاقىت قاجەت.
كۇللى الەم بويىنشا كەدەيلىكپەن كۇرەس جونىندەگى ماسەلەلەردى زەرتتەيتىن، 90-نان اسا ەلدە جۇمىس ىستەيتىن اسا ءىرى Oxfam حالىقارالىق بىرلەستىگى 2020 جىلدان بەرى پلانەتاداعى ەڭ داۋلەتى شالقىعان بەس ادامنىڭ كاپيتالى 869 ملرد دولللارعا كوبەيگەنىن انىقتاعان.
سونىمەن قاتار، ادامزاتتىڭ ەڭ كەدەي 60 پايىزىنىڭ، ياعني، 5 ملرد-قا تارتا ادامنىڭ تاقىر كەدەيگە اينالعان، دەپ حابارلايدى Almaty-akshamy.kz.
بۇل جايىندا islam.kz پورتالى Guardian اقپارات كوزىنە سىلتەمە جاساي وتىرىپ ءمالىم ەتتى.
ساراپشىلار بۇگىنگى قالىپتاسقان تەندەنسيا ساقتالاتىن بولسا، الەمدەگى كەدەيلىكتى ەڭسەرۋگە كەم دەگەندە 229 جىل كەتەتىنىن ەسكەرتەدى.
COVID-19 پاندەمياسىنان كەيىن تەڭسىزدىكتىڭ كۇرت ءوسىپ، الەمدەگى ميللياردەرلەر 2020 جىلمەن سالىستىرعاندا 3،3 تريلليون دوللارعا بايىعان جانە ولاردىڭ بايلىعى ينفلياسيا قارقىنىنان ءۇش ەسە جىلدام وسكەن. Wealth زەرتتەۋ ورتالىعىنىڭ دەرەكتەرى نەگىزىندە جۇرگىزىلگەن ەسەپ بويىنشا الەمنىڭ ەڭ باي بەس ادامى - يلون ماسك، بەرنارد ارنو، جەفف بەزوس، لارري ەلليسون جانە مارك سۋكەربەرگتىڭ جيىنتىق بايلىعى 464 ميلليارد دوللارعا نەمەسە 114%-عا ارتقان. ءدال وسى كەزەڭدە الەم حالقىنىڭ 60%-ىن قۇرايتىن ەڭ كەدەي 4،77 ملرد ادامنىڭ جالپى بايلىعى 0،2%-عا كەمىگەن. 52 ەلدە 800 ميلليونعا جۋىق جۇمىسشىنىڭ ورتاشا ناقتى جالاقىسى تومەندەدى.
سوڭعى ەكى جىلدا بۇل جۇمىسشىلاردىڭ بارلىعى 1،5 تريلليون دوللار جوعالتقان ەكەن، بۇل كورسەتكىش ءاربىر جۇمىسشىنىڭ 25 كۇندىك جوعالتقان جالاقىسىنا تەڭ. دۇنيە جۇزىندەگى 148 ءىرى كورپوراسيا 2023 جىلدىڭ ماۋسىم ايىنا دەيىنگى ارالىقتا جالپى 1،8 تريلليون دوللار تابىس تاپتى، بۇل مولشەر 2018-2021 جىلدارداعى ورتاشا تازا پايدادان 52 پايىزعا كوپ.