نيدەرلاند كورولدىگىنىڭ حەرەنۆەن قالاسىندا حوككەيدەن 18 جاسقا دەيىنگى قىزدار اراسىندا ءىى ديۆيزيونداعى الەم بىرىنىشىلىگى وتۋدە.
ا توبىنا تۇسكەن قازاقستان قۇراماسى تۇركيانىڭ قاقپاسىنا جاۋاپسىز 6 شايبا سالىپ، ءىرى جەڭىسكە جەتتى. وسىنىڭ ارقاسىندا ەلىمىزدىڭ حوككەيشىلەرى توپتان شىعۋ مۇمكىندىگىن نىعايتا ءتۇستى، دەپ حابارلايدى Almaty-akshamy.kz ۇلتتىق ولمپيادا كوميتەتىنە سىلتەمە جاساپ.
ايتا كەتەيىك، كەشەگى قازاقستان مەن ۇلىبريتانيا اراسىنداعى 1-تۋرداعى ماچ 0-4 ەسەبىمەن قارسىلاستىڭ پايداسىنا اياقتالعان. جالپى ءىى ديۆيزيوندا جۇڭگو، لاتۆيا، نيدەرلاند، ۇلىبريتانيا، تۇركيا مەن قازاقستان قاتىسىپ جاتىر.
قازاقستان ەندى 18 قاڭتاردا لاتۆيامەن، سوسىن جۇڭگو جانە نيدەرلاند ەكەۋىمەن ءبىر كۇنى (21 قاڭتاردا) وينايدى.