جەر سىلكىنىسىنەن ۇيلەر قيراپ، جولدار جابىلعان
تۇركيانىڭ شىعىسىنداعى ەرزۋرۋم پروۆينسياسىندا جەر سىلكىندى، دەپ حابارلايدى Almaty-akshamy.kz «حابار 24» تەلەارانسىنا سىلتەمە جاساپ.
5،1 بالدىق ءدۇمپۋ كورشىلەس اعرى مەن كارس پروۆينسيالارىندا دا سەزىلگەن. ەرزۋرۋم گۋبەرناتورىنىڭ حابارلاۋىنشا، 4 ادام جاراقات العان. جەر سىلكىنىسىنەن ۇيلەر قيراپ، جولدار جابىلعان.
ەستەرىڭىزگە سالا كەتەيىك، وسىدان ەكى كۇن بۇرىن تۇركيانىڭ دۇزجە پروۆينسياسىندا دا 5 بالدىق جەر سىلكىنىسى بولىپ، پروۆينسيا تۇرعىندارىن ابىگەرگە سالعان ەدى.
«اپاتقا بايلانىستى شۇعىل ورتالىق قۇرىلدى. توتەنشە جاعداي قىزمەتى ىزدەستىرۋ-قۇتقارۋ جۇمىستارىن جالعاستىرۋدا. توپچۋ اۋدانى ماڭىنا شوعىرلاندىق. قازا تاپقاندار جوق»،-دەيدى ەرزۋرۋم گۋبەرناتورى وكاي مەميش.