الەم نارىعىندا قازاقستاندىق كومىرگە دەگەن سۇرانىس ارتتى

جىل باسىنان بەرى ەلىمىز 23 ملن توننا كومىر ەكسپورتتاعان

جاڭا ساتىپ الۋشىلار قاتارىندا ۇلىبريتانيا، كورەيا، ماروككو، ءۇندىستان، بولگاريا بار. بىرىككەن كورولدىككە 192 مىڭ تونناعا جۋىق كومىر جونەلتىلگەن. ال تۇركيا، پولشا، وزبەكستان، شۆەيساريا، جۇڭگو سىندى مەملەكەتتەر تاپسىرىس كولەمىن ۇلعايتقان، دەپ حابارلايدى اlmaty-akshamy.kz

ءقازىر ەلىمىزدە 34 ملرد تونناعا جۋىق قاتتى وتىن قورى بار. وسىلايشا قازاقستان ۇزدىك وندىققا كىرىپ وتىر. وتاندىق كومىر كاسىپورىندارى بيىلعى جىلدىڭ توعىز ايىندا 79 ملن توننادان استام كومىر وندىرگەن. بۇل وتكەن جىلعى سايكەس كەزەڭدەگىدەن شامامەن 1،5% كوپ.

«ەۋروپادا گاز باعاسى ءوستى. ەندى ولار ەنەرگيانىڭ ارزان تۇرلەرىن ىزدەيدى. ەۋروپادا عانا ەمەس، باسقا دا ءبىرقاتار مەملەكەتتە كومىر شاحتالارىن قايتا اشۋ جۇمىستارى جۇرگىزىلۋدە. ەندى بىزگە ونى قاي ەلگە جانە قالاي ساتا الۋ جاعىن ويلاۋ قاجەت. بۇل جەردە ۇكىمەتتىڭ كومەگى قاجەت. ويتكەنى كومىر جەتكىزۋ مۇمكىندىكتەرىن ىزدەستىرۋ كەرەك»، - دەيدى تاۋ-كەن ءوندىرۋشى كاسىپورىندارى قاۋىمداستىعىنىڭ اتقارۋشى ديرەكتورى  نيكولاي رادوستوۆەس.