الماتى قالاسىنا جۇمىس ساپارى اياسىندا ق ر سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى مارات احمەتجانوۆ جوعارى ءبىلىم بەرۋ سالاسىنداعى سىبايلاس جەمقورلىققا قارسى ءىس-قيمىل ماسەلەلەرى بويىنشا كەڭەس وتكىزدى، دەپ حابارلايدى almaty-akshamy.kz
كەڭەسكە قازاقستان رەسپۋبليكاسىنىڭ ءبىلىم جانە عىلىم ءمينيسترى اسحات ايماعامبەتوۆ، الماتى قالاسىنىڭ اكىمى باقىتجان ساعىنتايەۆ، ەلىمىزدىڭ جوعارى وقۋ ورىندارىنىڭ رەكتورلارى، عىلىمي جانە ساراپتامالىق قوعامداستىق قاتىستى.
كەڭەسكە قاتىسۋشىلارعا جىلى لەبىز بىلدىرگەن الماتى اكىمى ب. ساعىنتايەۆ مەگاپوليستىڭ ءداستۇرلى تۇردە ەلىمىزدىڭ ءبىلىم بەرۋ ورتالىعى بولىپ تابىلاتىنىن، وندا 180 مىڭعا جۋىق وقۋشى جاستار – جوو ستۋدەنتتەرى بار ەكەنىن اتاپ ءوتتى.
وسىعان وراي جاستار اراسىندا سىبايلاس جەمقورلىققا قارسى مادەنيەتتى قالىپتاستىرۋعا ەرەكشە كوڭىل بولىنەدى.
«وسكەلەڭ ۇرپاقتىڭ بويىندا سىبايلاس جەمقورلىققا قارسى سانانى قالىپتاستىرۋ ءبىلىم بەرۋ سالاسى قىزمەتىنىڭ ساپاسىن، تيىمدىلىگىن باعالاۋدا ماڭىزدى كريتەريي بولىپ تابىلادى. قالانىڭ بارلىق اۋداندارىندا «Adaldyq alańy» فرونت-وفيستەرى جۇمىس ىستەيدى. جوو-مەن بىرلەسىپ «سانالى ۇرپاق» جانە «پاراسات» جوبالىق وفيستەرىن قۇرۋ بويىنشا جۇمىس جۇرگىزىلۋدە. بارلىق جوعارى وقۋ ورىندارىندا ەرىكتىلەر «ادال كومەك» جانە «اكسەلەراتور مەيىرىمى: ىزگىلىك ەلشىسى» تاقىرىپتارىندا ءبىلىم الۋشىلار ءۇشىن زاڭگەرلىك كەڭەستەر وتكىزەدى»، - دەپ حابارلادى باقىتجان ساعىنتايەۆ.
كەزدەسۋدە جوعارى ءبىلىم بەرۋ سالاسىنداعى سىبايلاس جەمقورلىققا قارسى ءىس-قيمىل اياسىندا نەگىزگى پروبلەمالىق ماسەلەلەر تالقىلاندى، سونداي-اق جۇرتشىلىقتى كەڭىنەن تارتا وتىرىپ، ساراپشىلىق قوعامداستىعى اراسىندا بەلسەندى تالقىلاناتىن 2022-2026 جىلدارعا ارنالعان سىبايلاس جەمقورلىققا قارسى ساياسات تۇجىرىمداماسىنىڭ جوباسى تانىستىرىلدى.
«ءبىلىم بەرۋ جۇيەسىندەگى سىبايلاس جەمقورلىق مەملەكەتتىڭ بولاشاعىنا تىكەلەي ءقاۋىپ توندىرەدى. ونىڭ الدىن الاتىن قۇرالدار بار، تەك ولاردى پايدالانۋ كەرەك. سوندىقتان ءبىزدىڭ ورتاق مىندەتىمىز – ونى ازايتۋ جانە جويۋ ءۇشىن بارلىق قاجەتتى شارالاردى قابىلداۋ. جوعارى وقۋ ورىندارىنان ادال ەڭبەكتى باعالايتىن جانە ءوز وتانىنا قامقورلىق كورسەتەتىن ەلىمىزدىڭ لايىقتى ازاماتتارىن تاربيەلەپ شىعارۋ»، - دەپ اتاپ ءوتتى سىبايلاس جەمقورلىققا قارسى قىزمەتتىڭ باسشىسى.
سونىمەن قاتار، كەڭەستە ەلىمىزدىڭ ۋنيۆەرسيتەتتەرىندە سىبايلاس جەمقورلىققا قارسى كومپلاەنس-قىزمەتتەردى ەنگىزۋ جانە ستۋدەنتتەر اراسىندا سىبايلاس جەمقورلىققا قارسى مادەنيەتتى قالىپتاستىرۋ جونىندەگى كەشەندى جوسپارلاردى ىسكە اسىرۋ ماسەلەلەرى تالقىلاندى. سىبايلاس جەمقورلىققا قارسى قىزمەت پەن ونىڭ اۋماقتىق بولىمشەلەرى ۋنيۆەرسيتەتتەر قۇرىلىمىندا كورسەتىلگەن قىزمەتتەردى اشۋ، سونداي-اق سىبايلاس جەمقورلىققا قارسى كومپلاەنس ينستيتۋتىنىڭ جۇمىسىن ۇيىمداستىرۋ بولىگىندە بارلىق مۇمكىن ءادىسنامالىق كومەك كورسەتەتىن بولادى.
كەزدەسۋدىڭ «اشىق ديالوگ» تۇرىندەگى فورماتىن ەسكەرە وتىرىپ، عىلىمي قوعامداستىق پەن جوو باسشىلىعى ءبىلىم بەرۋ سالاسىندا سىبايلاس جەمقورلىققا قارسى ساياساتتى ىسكە اسىرۋ ماسەلەلەرى بويىنشا ءوز پىكىرلەرى مەن يدەيالارىمەن ءبولىستى.
كەزدەسۋ قورىتىندىسى بويىنشا سىبايلاس جەمقورلىققا قارسى قىزمەت پەن ءبىلىم جانە عىلىم مينيسترلىگى اراسىندا ىنتىماقتاستىق تۋرالى مەموراندۋمعا قول قويىلدى. تاراپتار بىرلەسكەن جۇمىستىڭ جوسپارلارى مەن جوبالارىن تالقىلادى.