ۇيىمداستىرۋشى كوميتەتتىڭ قاراۋىنا ءوز ماتەريالدارىن سوڭعى ون ەكى ايدا جاريالاعان 36 مەملەكەتتەگى اۆتوردان 60 ۇسىنىس كەلىپ ءتۇستى.
رەسپۋبليكاسى سىرتقى ىستەر مينيسترلىگى جانە باس رەداكتورلار كلۋبى ەلىمىزدىڭ تاۋەلسىزدىگىنىڭ 30 جىلدىعىنا ارنالعان «قازاقستان شەتەلدىك ب ا ق كوزىمەن» VI حالىقارالىق بايقاۋىنىڭ بەس جەڭىمپازىن انىقتادى، دەپ حابارلايدى Almaty-akshamy.kz اتالعان مينيسترلىكتىڭ باسپا ءسوز قىزمەتىنە سىلتەمە جاساپ.
بايقاۋعا قاتىسۋشىلاردىڭ جۇمىستارى ەكونوميكا، ساياسات، حالىقارالىق قاتىناستار، مادەنيەت، تۋريزم، دەنساۋلىق ساقتاۋ، سپورت، قارۋسىزدانۋ، جاڭعىرمالى ەنەرگيا، اباي قۇنانباي ۇلى جانە ءال-فارابي مۇرالارى سياقتى قازاقستانعا قاتىستى كەڭ اۋقىمدى تاقىرىپتارعا ارنالدى.
ماتەريالدار گازەتتەردە، جۋرنالداردا، ونلاين باق-تاردا، تەلەارنالاردا، پودكاستتار مەن وزگە دە تانىمال بلوگ-پلاتفورمالاردا جاريالانعان.
جالپى العاندا، ۇيىمداستىرۋشىلاردىڭ پىكىرىنشە، بايقاۋعا شەتەلدىك جۋرناليستەردىڭ بەلسەندى قاتىسۋى شەتەلدىك باق-تىڭ قازاقستانعا دەگەن قىزىعۋشىلىعىنىڭ جوعارى ەكەندىگىن ايعاقتايدى.
كەلىپ تۇسكەن ۇسىنىستاردى قاراستىرۋ ناتيجەسىندە ءادىلقازىلار القاسى كەلەسى جەڭىمپازداردى انىقتادى.
تمد جانە بالتىق ەلدەرىنەن ۇمىتكەرلەردىڭ اراسىنداعى ۇزدىك ماتەريال رەتىندە جۋرناليست نيكولاي جۋكوۆتىڭ (ليتۆا) «Kauno Diena» گازەتىندە جاريالانعان «قازاقستان ءبىر جىل ىشىندە بيلىكتىڭ ەۆوليۋسيالىق ساباقتاستىعىنىڭ وزىندىك ۇلگىسىن كورسەتتى» اتتى ماقالاسى تاڭدالدى.
سولمون بات-ەردەنەنىڭ (مونعوليا) «MNB Mongolian National Broadcaster» تەلەارناسىندا جارىق كورگەن «37 شاقىرىمداعى 37 جىلدىق جوسپارى بار كورشى» اتتى بەينەماتەريالى مەن ماقالاسى ازيا جانە تىنىق مۇحيت ايماعىنىڭ ەلدەرىنەن كەلىپ تۇسكەن وتىنىمدەردىڭ ىشىندە ۇزدىك دەپ تانىلدى.
پاكىستاندىق اۆتور مەحمۋد ۋل حاسسان حاننىڭ «Islamabad Post» جانە «DNA News» باسىلىمدارىندا جارىق كورگەن قازاقستانداعى ساياسي جانە ەكونوميكالىق رەفورمالاردىڭ وزەكتى ماسەلەلەرىنە جانە اباي قۇنانباي ۇلىنىڭ رۋحاني مۇراسىنا ارنالعان ماقالالارى تاياۋ شىعىس جانە افريكا وڭىرىنەن كەلىپ تۇسكەن ۇزدىك ماتەريال بولىپ تانىلدى.
وڭتۇستىك جانە سولتۇستىك امەريكادان كەلىپ تۇسكەن ۇسىنىستار اراسىنان ۇزدىك ماتەريال رەتىندە «كانادانىڭ بىرىككەن قاۋىمداستىقتارى» ۇەۇ مەن تەلەجۋرناليست ينگا كەرنەي-كەلنەر بىرلەسە دايىنداعان «قازاقستان كانادالىقتار كوزىمەن» اتتى بەينەماتەريال ىرىكتەلدى.
بۇعان دەيىن اتالىپ وتكەندەي، بايقاۋ جەڭىمپازدارى قازاقستانعا ساپارمەن كەلۋ مۇمكىندىگىنە يە بولادى. ساپار اياسىندا ولار نۇر-سۇلتان، الماتى جانە تۇركىستان قالالارىنا، «بۋراباي» دەمالىس ايماعىنا بارىپ، ەلىمىزدىڭ تابيعي جانە مادەني نىساندارىن ارالاپ، بەلگىلى جۋرناليستەر، ديپلوماتتار جانە قوعام قايراتكەرلەرىمەن كەزدەسە الادى.