مەملەكەت باسشىسى ارمەنيانىڭ پرەمەر-مينيسترىنە زور دەنساۋلىق پەن مول تابىس، دوستاس ارميان حالقىنا يگىلىكتەر مەن وركەندەۋ تىلەدى.
قازاقستان پرەزيدەنتى قاسىم-جومارت توقايەۆ نيكول پاشينياندى ارمەنيا رەسپۋبليكاسىنىڭ پرەمەر-مينيسترى لاۋازىمىنا تاعايىندالۋىمەن قۇتتىقتادى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
«سىزگە ارتىلعان سەنىم – قوعامداعى تۇراقتىلىقتى، بىرلىك پەن كەلىسىمدى قامتاماسىز ەتۋگە، ازاماتتاردىڭ ءال-اۋقاتىن ارتتىرۋعا، ارمەنيانىڭ حالىقارالىق ارەناداعى بەدەلىن نىعايتۋعا باعىتتالعان ساياساتىڭىزدىڭ كەڭ قولداۋ تاپقانىنىڭ ايقىن كورىنىسى»، – دەلىنگەن جەدەلحاتتا.
قاسىم-جومارت توقايەۆ نيكول پاشينياننىڭ اسا جاۋاپتى مەملەكەتتىك لاۋازىمداعى قىزمەتى ارمەنيانىڭ تۇراقتى دامۋى مەن ىلگەرىلەۋىنە، سونداي-اق، قازاقستانمەن اراداعى ەكىجاقتى جانە كوپجاقتى قاتىناستاردى كەڭەيتىپ، تەرەڭدەتۋگە ىقپال ەتەتىنىنە سەنىم ءبىلدىردى.