«تاۋەلسىزدىك: ءسوز بەن سۋرەت»

ءدال وسىنداي اتپەن ەلىمىزدە تۇڭعىش رەت ونلاين سايىس وتكىزىلدى.

بۇل اقىندار مەن سۋرەتشىلەر اراسىنداعى رەسپۋبليكالىق ونلاين-بايقاۋ ق ر تاۋەلسىزدىگىنىڭ 30 جىلدىعىنا وراي قاراعاندى وبلىسى اكىمدىگى مادەنيەت، ارحيۆتەر جانە قۇجاتتاما باسقارماسىنىڭ قولداۋىمەن «مادەنيەت پورتالىندا» وتكىزىلدى، دەپ حابارلايدى Almaty-akshamy.kz ADEBIPORTAL.KZ سايتىنا سىلتەمە جاساپ.

ءۇش ايعا سوزىلعان مەگاجوبانىڭ سۋرەتشىلەرگە ارنالعان العاشقى كەزەڭىنە 101 سۋرەتشى، 300-دەن استام كارتينا كەلىپ تۇسسە، ەكىنشى كەزەڭدە 100-گە جۋىق اقىندار باقتارىن سىنادى. 

جەڭىمپاز اقىن مەن سۋرەتشى شىعارمالارىنان ارنايى ءۇش تىلدە (قازاق، ورىس جانە اعىلشىن) البوم دايىندالادى. البوم ساپالى، ءتۇرلى-تۇستى سۋرەتتەرمەن بەزەندىرىلىپ، ارنايى تۇسىرىلگەن بەينە روليكتەرگە سىلتەمە بەرىلگەن QR-كودتارمەن جارىق كورەدى.

سالتاناتتى ماراپاتتاۋ ءراسىمى قازاقستان رەسپۋبليكاسىنىڭ كونستيتۋسياسى كۇنىنە وراي 26 تامىز كۇنى وتەدى، پاندەمياعا بايلانىستى وزگەرۋى دە مۇمكىن. نەگىزگى شارت بويىنشا پوەزيا مەن سۋرەتتە ۇندەسكەن دۋەت-جۇلدەگەرلەر كارانتين تالاپتارىن ەسكەرە وتىرىپ، "تاۋەلسىزدىك: ءسوز بەن سۋرەت" قورىتىندى مادەني كەشىنە الدىن الا شاقىرتىلادى.
ال بايقاۋدىڭ جۇيرىكتەرىنىڭ ءتىزىمىن مىنا جەردەن بىلە الاسىزدار.