العاش رەت قولعا الىنعان جوبا انا تىلىندە ەركىن ويلاپ، سويلەگىسى كەلەتىندەرگە ارنالعان.
ورتالىققا كەلۋشىلەر قازاق ءتىلىن ۇيرەنۋ كۋرسىنا قاتىسىپ، قازاقتىڭ مادەنيەتىمەن جاقىن تانىسۋعا مۇمكىندىك الادى، دەپ حابارلايدى Almaty-akshamy.kz 24.kz-كە سىلتەمە جاساپ.
ۇيىمداستىرۋشىلاردىڭ ايتۋىنشا ءاربىر كەلۋشىنىڭ جەكە تۇلعالىق قاسيەتى ەسكەرىلىپ، كوگنيتيۆتى ويلاۋعا نەگىزدەلگەن ءتيىمدى ءتىل ۇيرەنۋ ءادىسى ۇسىنىلادى. ورتالىققا مەكتەپ جاسىنداعى بالالار دا، ەرەسەك ادامدار دا كەلە الادى.
«مەن قازاقشا وتە قاتتى سويلەگىم كەلىپ تۇر. مەن قازاقستاندا قازاقشا جاقسى سويلەدىم، ءبىراق، دۋبايعا كەلگەندە ءسال ءسال ۇمىتىپ قالدىم. بۇل جەردە وقىعىم كەلىپ تۇر قاتتى، ماعان ءبارى ۇنايدى مىنا جەردە»، - دەيدى دۋباي تۇرعىنى مۇقاعالي مۇسا.
«قازاق ءتىلىن جەتىك مەڭگەرۋ، سونىمەن بىرگە ءوزىمىزدىڭ ۇلتتىق مەرەكەلەرىمىزدى، سالت ءداستۇرىمىزدى، ءوزىمىزدىڭ تاريحىمىزدى ۇمىتپاۋ. ءبىزدىڭ ورتالىقتا قازاق ءتىلى اعىلشىن تىلىمەن بىرگە جۇرەدى. مەنى بۇگىن قۋانتقانى بالالاردىڭ كوپ كەلگەنى، قازاقتىڭ ۇلتتىق كيىمدەرىن كيىپ، قازاقشا سويلەپ، قازاق ءتىلىن ۇيرەنۋگە قۇلشىنىستارىن ارتتىرىپ جاتىر»، - دەيدى Nomad مادەني ورتالىعىنىڭ جەتەكشىسى دينارا شاحمەتوۆا.