الماتى قالاسى، الماتى جانە جەتىسۋ وبلىستارى بويىنشا قىلمىستىق-اتقارۋ جۇيەسى دەپارتامەنتىنە قاراستى №11 مەكەمەدە دجي-دجيتسۋدان 6 دۇركىن الەم چەمپيونى، 3 دۇركىن ازيا چەمپيونى، دۇنيەجۇزىلىك ويىنداردىڭ چەمپيونى، قر-نىڭ ەڭبەك سىڭىرگەن جاتتىقتىرۋشىسى ەرلان تىلەۋىمبەتوۆ بالالار كولونياسىندا جازاسىن وتەپ جاتقان جاسوسپىرىمدەرمەن كەزدەستى، دەپ حابارلايدى Almaty-akshamy.kz
ەرلان قانات ۇلى سپورتتىق جولىن 1996 جىلى ءوزىنىڭ العاشقى جانە تۇراقتى جاتتىقتىرۋشىسى قانات تىلەۋىمبەتوۆتىڭ باسشىلىعىمەن باستاعانىن، سونداي-اق قازىرگى كۇنگە دەيىن جەتكەن جەتىستىكتەرى، باعىندىرعان بەلەستەرى تۋرالى اڭگىمەلەدى.
ول ءومىر جولىن بايانداي وتىرىپ، جاسوسپىرىمدەردى جامان ادەتتەردەن الىس بولۋعا، سالاۋاتتى ءومىر سالتىن ۇستانۋعا شاقىرىپ، قوعامعا پايداسى تيەر جاقسى ازاماتتار بولىپ شىعۋلارىنا تىلەكتەستىگىن ءبىلدىردى.
ءيا، مۇنداي كەزدەسۋلەر جازالى جاسوسپىرىمدەر ءۇشىن اۋاداي قاجەت. ەكىجاقتى ديالوگ، پىكىر الماسۋ كەشى ق ر پرەمەر-مينيسترىنىڭ وكىمىمەن بەكىتىلگەن "قىلمىستىق-اتقارۋ (پەنيتەنسيارلىق) جۇيەسى مەكەمەلەرىندەگى ساۋىقتىرۋدىڭ 2023-2025 جىلدارعا ارنالعان جول كارتاسىن" ىسكە اسىرۋ اياسىندا ۇيىمداستىرىلدى.
ءىس شارا سوڭىندا ءسااپتجب ءبولىمىنىڭ باستىعى ادىلەت پودپولكوۆنيگى الما بازىلبايەۆا مەيمانعا العىسىن ءبىلدىردى.