الماتى قالاسى، الماتى جانە جەتىسۋ وبلىستارى بويىنشا قىلمىستىق-اتقارۋ جۇيەسى دەپارتامەنتىنە قاراستى №11 مەكەمە وكىلدەرى جامبىل اتىنداعى مەملەكەتتىك جاسوسپىرىمدەر كىتاپحاناسى قىزمەتكەرلەرىمەن بىرلەسىپ، بەلگىلى اقىن، حالىقارالىق «الاش» ادەبي سىيلىعىنىڭ لاۋرەاتى، «دارىن» جاستار سىيلىعىنىڭ يەگەرى، قازاقستان رەسپۋبليكاسى پرەزيدەنتىنىڭ 4 مارتە ستيپەندياتى مارالتاي رايىمبەكۇلىمەن رۋحاني كەش وتكىزدى.
كەشتە اقىن رۋحتى جىرلارىن وقىدى. اياعىن جازا باسىپ، ءىستى بولعان جاستارعا ادامگەرشىلىك، دوستىق، قايىرىم، مەيىرىم تاقىرىپتارىندا سىر شەرتىپ، ولاردى جاقسىلىققا ۇندەدى. بوزبالالار مەيماننىڭ اسەرلى اڭگىمەسىن ۇيىپ تىڭدادى، كوكەيدە جۇرگەن ساۋالدارىن دا قويدى. اقىننىڭ ولەڭدەرى ولارعا وي سالعانى انىق.
جالپى، تۇزەتۋ كولونياسىندا مۇنداي كەشتەر ءجيى ۇيىمداستىرىلىپ تۇرادى. سەبەبى، جازالى جاسوسپىرىمدەردى وتكەن كۇنمەن ەمەس، الداعى كۇندەرمەن ءومىر سۇرۋگە، جاقسى كۇندەردەن كۇدەر ۇزبەۋگە ۇندەۋ – باستى مىندەت.