بۇل تۋرالى سىبايلاس جەمقورلىققا قارسى كۇرەس اگەنتتىگى حابارلادى.
انتيكور ازىق-تۇلىك باعاسىنا ارالاسقان جەمقورلاردىڭ جولىن كەسپەك، دەپ حابارلايدى Almaty-akshamy.kz
بۇگىن انتيكوردا جەمقورلىققا قارسى ءىس-قيمىلدىڭ جەكەلەگەن ماسەلەلەرى، سونىڭ ىشىندە ازىق-تۇلىك قاۋىپسىزدىگىن قامتاماسىز ەتۋ جونىندە ءماجىلىس ءوتتى.
اگەنتتىك ءتوراعاسى اسحات جۇماعالي ماۋسىمارالىق كەزەڭدە ۇكىمەت الەۋمەتتىك ماڭىزى بار ازىق-تۇلىك ونىمدەرىنىڭ باعاسىن قىمباتتاتپاۋعا جانە تۇراقتاندىرۋعا باعىتتالعان ءبىرقاتار شارالار قابىلداپ جاتقانىن اتاپ ءوتتى. سونىڭ ىشىندە، وزبەكستان مەن تاجىكستاننان كەلەتىن ونىمدەردى قازاقستانعا دەلدالسىز جەتكىزۋ ماسەلەسى پىسىقتالعان.
«اسحات جۇماعالي بۇل پروسەسكە مونيتورينگ جۇرگىزۋدى تاپسىردى. سىبايلاس جەمقورلىققا قارسى قىزمەت ورگاندارى جەمقورلىقتىڭ كەز كەلگەن ءتۇرىن، سونىڭ ىشىندە زاڭسىز پايدا الۋعا باعىتتالعان ءتۇرلى قۇقىققا قارسى سحەمالاردىڭ جولىن كەسەدى»، - دەپ حابارلادى اگەنتتىكتىڭ باسپا ءسوز قىزمەتى.