فۋتبولدان الەم چەمپيوناتىنىڭ فينالىندا وڭتۇستىك امەريكا جانە ەۋروپا قۇرلىعى وكىلدەرى ون ءبىرىنشى مارتە كەزدەسىپ وتىر، دەپ حابارلايدى Almaty-akshamy.kz Inform.kz-كە سىلتەمە جاساپ.
ايتا كەتسەك، بۇگىن، 18 جەلتوقساندا فينالدا ارگەنتينا - فرانسيا قۇرامالارىنىڭ كەزدەسۋى بولادى. ويىن ەلوردا ۋاقىتىمەن 21:00-دە «Qazaqstan» جانە «Qazsport» تەلەارنالارىنان تىكەلەي ەفيردە كورسەتىلەدى.
قازىرگە دەيىنگى 10 كەزدەسۋدىڭ 7-ىندە وڭتۇستىك امەريكا قۇرلىعىنىڭ وكىلدەرى جەڭىسكە جەتسە، قالعانىندا ەۋروپالىق قۇرامالاردىڭ مەرەيى ۇستەم بولدى.
قوس قۇرلىق اراسىنداعى باسەكەدە برازيليا بەس مارتە جەڭىسكە جەتتى. ولار 1958 جىلى شۆەسيانى 5:2، 1962 جىلى چەحوسلوۆاكيانى 3:1، 1970 جىلى يتاليانى 4:1، 1994 جىلى پەنالتيدەن 3:2 (نەگىزگى كەزەڭدە 0:0) ەسەبىمەن جەڭدى. ال 2002 جىلى گەرمانيانى 2:0 ەسەبىمەن تىزە بۇكتىردى.
ال قوس قۇرلىقتىڭ باسەكەسىندە ارگەنتينا مەن گەرمانيا 2، فرانسيا 1 مارتە جەڭىمپاز اتاندى.
سونداي-اق، 1950 جىلى باس جۇلدە يەسى توپتىق كەزەڭدە بەلگىلى بولسا، قالعانىندا ەۋروپالىق قۇرامالار ءوزارا جەڭىمپازدى انىقتادى.