اقتوبە وبلىسىنىڭ اكىمى بۇگىن جول-كولىك اپاتىنان سوڭ ەم قابىلداپ جاتقان بالالاردى كورىپ، اتا-انالارىمەن كەزدەستى، دەپ حابارلايدى Almaty-akshamy.kz Inform.kz-كە سىلتەمە جاساپ.
اقتوبە وبلىستىق اۋرۋحاناسىندا 8 بالا ەم قابىلداپ جاتىر. اۋرۋحانانىڭ باس دارىگەرى ەرلان جاپاقوۆتىڭ ايتۋىنشا، التى بالاعا وتا جاسالدى. ءتىپتى ەلوردالىق دارىگەرلەر دە شاقىرىلدى.
تۇسكى مەزگىلدە وبلىس اكىمى ەرالى توعجانوۆ اۋرۋحاناعا بارىپ، ناۋقاستاردىڭ جاعدايىن ءبىلدى. بالالارىنىڭ اماندىعىن تىلەپ وتىرعان اتا-انالارمەن دە جولىقتى.
«بالالارعا بارىپ، قاراپ شىقتىم. ءبىرىنشى ءبىر اللا قولداسىن، دەيمىز. ودان كەيىن دارىگەرلەر قولدان كەلگەنىن جاساپ جاتىر. رەسپۋبليكادان دا دارىگەرلەر كەلەدى. بالالار امان بولسىن!»،- دەدى ەرالى توعجانوۆ.
ايتا كەتەيىك، وسى وقيعاعا بايلانىستى قىلمىستىق كودەكستىڭ 345-بابى 3-تارماعى بويىنشا ءىس قوزعالدى. جۇرگىزۋشى قاماۋعا الىندى.
وسىعان دەيىن اقتوبەدە وقۋشىلار مىنگەن مينيۆەن اۋدارىلىپ، ءبىر بالا كوز جۇمعانى حابارلاندى.
سونداي-اق اقتوبەدە وقۋشىلاردىڭ كولىك اپاتىنا ۇشىراۋىنا بايلانىستى تەرگەۋ ءجۇرىپ جاتقانى جازىلدى.
اقتوبە وبلىستىق دەنساۋلىق ساقتاۋ باسقارماسىنان بالالارعا وپەراسيا جاسالعانى حابارلاندى.
كەيىنىرەك جول-كولىك وقيعاسىنا تۇسكەن بالالاردىڭ جاتتىقتىرۋشىسى ەس ءتۇسسىز جاتقانى انىقتالدى.
ال كولىكتى باسقارعان سپورت مەكتەبى ديرەكتورىنىڭ ورىنباسارى ەكەنى بەلگىلى بولدى.