انتيسانيتاريا، اس ءمازىرىنىڭ دۇرىس قۇرىلماۋى سەكىلدى پروبلەمالار تاماقتىڭ ىسىراپ بولۋىنا اكەلۋدە، دەپ حابارلايدى aqshamnews.kz.
بۇدان بىلاي قازاقستاندىق ءبىلىم بەرۋ ۇيىمدارىندا تاماقتاندىرۋ ساپاسىنا كۇندەلىكتى مونيتورينگ جۇرگىزىلەتىن بولدى. وسى وزگەرىسكە ساي، 24.kz ارناسى الەم ەلدەرىنىڭ مەكتەپ اسحانالارىنداعى اس ءمازىرى، ءتارتىبى قانداي ەكەنىن باقىلاپ كورىپتى.
فينليانديا مەكتەپتەرىندەگى تاماقتانۋ ۇزدىكتەردىڭ ءبىرى سانالادى. جاسىنا ساي بالانىڭ ەنەرگەتيكالىق قاجەتتىلىگىنىڭ ۇشتەن ءبىرىن قامتاماسىز ەتەدى. ول بويىنشا قانىققان مايلاردىڭ ۇلەسى 10%-تەن اسپاۋى ءتيىس. بۇل فينليانديانىڭ ۇلتتىق دەنساۋلىق جانە ءال-اۋقات ينستيتۋتى عالىمدارىنىڭ ۇسىنىمىنا سايكەس كەلەدى. اس مازىرىنە مىندەتتى تۇردە ەت، كوكونىس، قارا بيدايدان پىسىرىلگەن نان، مايسىز ءسۇت نە سۋ كىرەدى. مۇنداي تۇسكى استىڭ قۇنى شامامەن 1 ەۋرو. ءبىراق بۇل اقشاعا جۇمىسشىلاردىڭ ەڭبەگى جانە لوگيستيكاعا كەتكەن شىعىندار كىرمەيدى. لوگيستيكا دەمەكشى، ەلدە شالعايداعى مەكتەپتەرگە ازىق-تۇلىك جەتكىزۋ بويىنشا قيىندىقتار بار. سوسىن ءبىلىم بەرۋ مەكەمەلەرىنىڭ اسحانالارىندا تاماقتىڭ 15%ء-ى قوقىسقا تاستالىپ، ىسىراپ بولىپ جاتادى.
اقش مەكتەپتەرىندەگى اس مازىرىنە قاتىستى سىن كوپ
اقش مەكتەپتەرىندە دە تاماق ارتىلىپ، جىلىنا ءبىر جارىم ملن توننادان استام ازىق-تۇلىك قوقىسقا تاستالادى. سوسىن ماماندار امەريكالىق وقۋشىلاردىڭ اس مازىرىنە قاتىستى كوپ سىن ايتىپ جاتادى. ويتكەنى وندا قايتا وڭدەلگەن ازىق-تۇلىك، فاست-فۋد كوپ تە، كوكونىس پەن جەمىس-جيدەك از. سودان بالالار اراسىندا سەمىزدىك پەن جۇرەك-قان تامىرلارى اۋرۋلارى كەڭىنەن تاراعان.
ءۇندىستانداعى مەكتەپ اسحانالارىنىڭ تازالىعى سىن كوتەرمەيدى
ءۇندىستاندا مەكتەپتەگى تاماقتانۋدى جاقسارتۋ بويىنشا مەملەكەتتىك باعدارلاما قاراستىرىلعان. ءبىراق سونىڭ وزىندە ساراپشىلار جەرگىلىكتى بالالاردىڭ تولىققاندى تاماقتانبايتىنىن ايتادى. سوسىن ءبىلىم بەرۋ مەكەمەلەرىنىڭ تازالىعى سىن كوتەرمەيدى. ويتكەنى ازىق-تۇلىك قاۋىپسىزدىگى تالاپتارى دۇرىس ساقتالمايدى. ونىڭ ۇستىنە ماماندار تاپشىلىعى ماسەلەسى تاعى بار. 2013 جىلى ەلدىڭ شىعىسىنداعى بيحار شتاتىندا مەكتەپتەگى تاماقتان بالالار ۋلانىپ، 23 وقۋشى قايتىس بولعان