دەنساۋلىق ساقتاۋ مينيسترلىگى ءونىمنىڭ قاۋىپسىزدىگى مەن «سۇر سەرتيفيكاتتاردى» باقىلاۋدى كۇشەيتەدى
ءونىمنىڭ قاۋىپسىزدىگىن مەملەكەتتىك باقىلاۋ دەنساۋلىق ساقتاۋ مينيسترلىگىنىڭ باستى ستراتەگيالىق مىندەتتەرىنىڭ ءبىرى بولىپ قالا بەرەدى. 2015 جىلدان باستاپ قازاقستاندا ءبىرىڭعاي سانيتارلىق تالاپتارعا جانە ەۋرازيالىق ەكونوميكالىق وداقتىڭ (ەاەو) 22 تەحنيكالىق رەگلامەنتىنە سايكەستىگىن تەكسەرۋ ماقساتىندا سانيتاريالىق-ەپيدەميولوگيالىق ساراپتاما جۇرگىزىلەتىن پروفيلاكتيكالىق باقىلاۋ جۇيەسى جۇمىس ىستەيدى. ونىڭ ىشىندە 13 رەگلامەنت تاماق ونىمدەرىنە قاتىستى.
ۇكىمەت وتىرىسىندا دەنساۋلىق ساقتاۋ ءمينيسترى اقمارال ءالنازاروۆا 2024 جىلدىڭ تامىز ايىنان باستاپ ءونىمنىڭ قاۋىپسىزدىگىن باقىلاۋدىڭ جاڭا تاسىلدەرى ەنگىزىلگەنىن مالىمدەدى. باقىلاۋ ساتىپ الۋ جانە كەيىنگى ساراپتاما ارقىلى جۇزەگە اسىرىلادى. قازىرگى تاڭدا 5 مىڭنان استام ءونىم سىناماسى تەكسەرىلدى، ونىڭ 35%-ى بەلگىلەنگەن ستاندارتتارعا ساي كەلمەگەنى انىقتالدى. بۇل رەتتە جەدەل تۇردە 439 شارا قابىلدانىپ، 2 توننادان استام ساپاسىز ءونىم ساۋدادان الىندى.
يمپورتتىق ونىمدەرگە باقىلاۋدى كۇشەيتۋ ماقساتىندا اۋىل شارۋاشىلىعى مينيسترلىگىمەن بىرلەسە وتىرىپ، 34 وندىرۋشىگە قاتىستى زەرتحانالىق تەكسەرۋ جۇمىستارى جۇرگىزىلدى.
سانيتاريالىق-ەپيدەميولوگيالىق ساراپتامالار ۇلتتىق ساراپتاما ورتالىعىنىڭ 84 اككرەديتتەلگەن زەرتحانالارىندا ورىندالۋدا. سونىمەن قاتار، ەاەو ەلدەرىنىڭ شەكارالارىنداعى وتكىزۋ پۋنكتتەرىندە سانيتاريالىق-كارانتيندىك باقىلاۋ كۇشەيتىلدى. وسىعان وراي، 2 مىڭعا جۋىق تاۋار پارتياسىنىڭ يمپورتى تەكسەرىلىپ، 177 تاۋاردىڭ ەلگە اكەلىنۋىنە تىيىم سالىندى.
«سۇر سەرتيفيكاتتارعا» قارسى كۇرەس شەڭبەرىندە نورماتيۆتىك-قۇقىقتىق اكتىلەردى جەتىلدىرۋ بويىنشا جۇمىستار جالعاسۋدا. بۇل شارا زاڭسىز قۇجاتتاردىڭ تارالۋىن بولدىرماۋعا باعىتتالعان.
مينيسترلىك ءونىمنىڭ قاۋىپسىزدىگىن قامتاماسىز ەتۋ بويىنشا جۇمىستى ءارى قاراي جالعاستىرىپ، تۇتىنۋشىلاردىڭ دەنساۋلىعىن قورعاۋعا ەرەكشە نازار اۋدارادى.