الەم بويىنشا اۋا رايى قۇبىلدى

اقش-تىڭ 3 بىردەي شتاتىندا اقتۇتەك بوران سوعىپ، قالىڭ قار ءتۇستى.

سولتۇستىك داكوتادا جۇك كولىگى جولدان شىعىپ كەتتى.

ال اۆستراليالىقتار روجدەستۆو مەرەكەسىن جاۋىن-شاشىن استىندا قارسى الدى، دەپ حابارلايدى Almaty-akshamy.kz 24.kz-كە سىلتەمە جاساپ. 

تايلاندتىڭ وڭتۇستىگىن سۋ باسىپ، تەمىرجول، كولىك قاتىناسى توقتاعان. كاشمير حالقى قىستىڭ ەڭ سۋىق كۇندەرىن باستان وتكەرىپ جاتىر.

لينكولندە الاپات داۋىل سوعىپ، قالىڭ قار ءتۇستى. مەتەورولوگتاردىڭ مالىمەتىنشە، جەلدىڭ ەكپىنى ساعاتىنا 55 شاقىرىمعا دەيىن جەتكەن. بيلىك تۇرعىنداردى تىسقا شىقپاۋعا جانە كولىك تىزگىندەمەۋگە شاقىردى. ويتكەنى دۇلەي داۋىلدان جول كورىنبەي، اعاشتار قۇلاۋى مۇمكىن دەگەن ءقاۋىپ بار. سينوپتيكتەر قولايسىز اۋا رايى سارسەنبىگە دەيىن جالعاساتىنىن ەسكەرتتى. 

نەبراسكا شتاتىنىڭ سولتۇستىك-شىعىسىندا بوران سوعىپ، قار جاۋدى. كوكتايعاق سالدارىنان قالادا قوزعالىس قيىندادى. دۇلەي جەلدىڭ كەسىرىنەن اعاشتار قۇلاۋى ىقتيمال دەگەن ءقاۋىپ بار. مامانداردىڭ سوزىنشە، جەلدىڭ ەكپىنى ساعاتىنا 45 شاقىرىمعا جەتكەن. ءقازىر مۇندا تازالىق ساقشىلارى تەحنيكانىڭ كومەگىمەن قالىڭ قاردى ارشۋ جۇمىستارىن جۇرگىزىپ جاتىر.  

جۇك كولىگى جولدان شىعىپ كەتتى سولتۇستىك داكوتانىڭ شىعىسىنا قاتتى داۋىل سوعىپ، سوڭى كوكتايعاققا ۇلاستى. سالدارىنان فارگو-مۋرحەد تاسجولىندا جۇك كولىگى جولدان شىعىپ كەتتى. زارداپ شەككەندەر تۋرالى ازىرگە اقپارات جوق. ءقازىر ايماقتاعى 94 شتاتارالىق تاسجول ۋاقىتشا جابىلدى.  

ال اۆستراليادا روجدەستۆو قارساڭىندا كۇن رايى بۇزىلىپ تۇر. شىعىس جاعالاۋداعى ەلدى مەكەندەردە نايزاعاي ويناپ، كۇن كۇركىرەدى. كۆينسلەندتىڭ وڭتۇستىك-شىعىسى مەن جاڭا ۋەلستىڭ سولتۇستىگىنە قاتتى جاۋىن-شاشىن ءتۇسىپ، دۇلەي داۋىل سوقتى.   تايلاندتىڭ وڭتۇستىگىن سۋ باستى تايلاندتا دا وسىعان ۇقساس جاعداي. 2 كۇن قاتارىنان جاۋعان جاۋىن-شاشىن سالدارىنان وڭتۇستىكتەگى ەلدى مەكەندەردى سۋ باستى.

تاسقىن سالدارىنان 50 مىڭعا جۋىق تۇرعىن زارداپ شەككەن. اسىرەسە ناراتيۆات پەن ياللا پروۆينسياسىندا جاعداي الاڭداتارلىق. ءقازىر مۇندا مەكتەپتەر جۇمىسىن ۋاقىتشا توقتاتتى. كوشەدە جولدار جابىلىپ، قوزعالىس شەكتەلگەن. تەمىرجول قاتىناسى دا ازىرگە جۇمىس ىستەمەيدى.   كاشميردى تۇمان باستى كاشميردىڭ سريناگار ايماعىندا تەمپەراتۋرا كۇرت تومەندەپ، قالانى تۇمان باستى. ءقازىر مۇندا قىستىڭ 40 كۇندىك ەڭ سۋىق كەزەڭى تىركەلدى. سينوپتيكتەر مۇنداي اۋا رايى جەلتوقساننىڭ 31-ىنە دەيىن جالعاسادى دەپ بولجايدى.