قازاقستاننىڭ ءبىرىنشى، الەمنىڭ 44-راكەتكاسى الەكساندر بۋبليك مەتس (فرانسيا) ATP 250 ءتۋرنيرىنىڭ جارتىلاي فينالىنا شىقتى، دەپ حابارلايدى Almaty-akshamy.kz Inform.kz-كە سىلتەمە جاساپ.
قازاقستاندىق تەننيسشى شيرەك فينالدا الەمنىڭ 31ء-ىنشى، وسى جارىستىڭ 4-راكەتكاسى، دانيالىق حولگەر رۋنەمەن كەزدەستى.
ءبىرىنشى پارتيادا ا.بۋبليك 6:3 ەسەبىمەن باسىمدىلىق تانىتسا، ەكىنشىسىندە قارسىلاسى ەسە قايىردى – 7:5.
ءۇشىنشى، شەشۋشى سەتتە قازاقستاندىق سپورتشى دەگەنىنە جەتتى – 6:4.
ەكى ساعاتقا سوزىلعان تارتىستى ماچتا بۋبليك 15 ەيس جاساپ، 5 برەيك-پوينتتىڭ تورتەۋىن قۇر جىبەرمەدى. ح.رۋنە 3 ەيس، 3 برەيكپەن (5 برەيك-پوينت) كوزگە ءتۇستى.
ا.بۋبليك فينالعا شىعۋ ءۇشىن دۇنيەجۇزىلىك رەيتينگتە 284-ورىندا تۇرعان، «ۇلكەن دۋلىعا» تۋرنيرلەرىنىڭ ەكى دۇركىن چەمپيونى، شۆەيساريالىق ستانيسلاس ۆاۆرينكامەن تالاسادى. ول جارىس بارىسىندا الەمنىڭ بۇرىنعى 1-راكەتكاسى، رەسەيلىك دانييل مەدۆەديەۆتى دە جەڭىپ كەتتى.