«كوپ مادەنيەتتى الەمدەگى بالالار مەن كىتاپتار» اتتى ءىىى حالىقارالىق كونگرەسس 26-27 قىركۇيەكتە دوستىق ۇيىندە وتەدى. قاتىسۋشىلار بالالار اراسىندا كىتاپ وقۋدى ناسيحاتتاۋ ماسەلەلەرىن تالقىلايدى، زاماناۋي بالالار ادەبيەتىن ورىس تىلىنەن قازاق تىلىنە جانە كەرىسىنشە اۋدارۋ بويىنشا بىرلەسكەن جوبالاردى ىسكە قوسۋ تۋرالى كەلىسەدى.
ۇيىمداستىرۋشىلار قازاقستانداعى بالالار ادەبيەتىن ىلگەرىلەتۋ بويىنشا پەداگوگتاردى، كىتاپحاناشىلاردى، باسپاگەرلەر مەن اۋدارماشىلاردى بىرىكتىرۋدى، بالالاردىڭ كىتاپ وقۋى مەن ۇلتتىق ادەبي مۇرانى ساقتاۋ ماسەلەلەرىن تالقىلاۋدى ماقسات ەتەدى.
سپيكەرلەر: عىلىم دوكتورلارى مەن كانديداتتارى، بالالار جازۋشىلارى، پروفەسسورلار مەن فيلولوگيا ماماندىعىنىڭ ستۋدەنتتەرى ءتۇرلى تاقىرىپتاردا باياندامالار جاسايدى. ولاردىڭ ىشىندە «وقۋشىلاردى كوركەم ادەبيەتتى وقۋعا ىنتالاندىرۋ جولدارى»، «وتباسىلىق وقۋعا كىتاپ ىزدەۋ»، «بالالارعا ارنالعان م.ماقاتايەۆتىڭ پوەزياسى» جانە ت. ب. بار.
كونگرەسس باعدارلاماسىندا ءازىربايجان، يزرايل، يتاليا، قازاقستان، جۇڭگو، قىرعىزستان، رەسەي فەدەراسياسى، وزبەكستان، جاپونيادان كەلگەن 150-دەن استام قاتىسۋشى ەكى كۇن بويى ونلاين جانە وفلاين رەجيمىندە كەلەسى باعىتتار بويىنشا جۇمىس ىستەيدى:
- بالالار ادەبيەتى: بولاشاقتىڭ سىن-قاتەرلەرى؛
- بالالىق شاق مادەنيەتى جانە قازىرگى قوعامنىڭ ءومىر سالتى؛
- بالالار كىتاپتارىنداعى ەل مەن حالىق تاريحىنىڭ كورىنىسى؛
- كىشكەنتايلارعا ارنالعان بالالار ادەبيەتى: جاڭا تاسىلدەر مەن فورماتتار؛
- اۋدارما ايناسىنداعى بالالار ادەبيەتى.
ءىس-شاراعا الماتى قالاسى ءبىلىم باسقارماسىنىڭ، رەسپۋبليكالىق كىتاپ پالاتاسىنىڭ وكىلدەرى، بالالار كىتاپتارىن شىعارۋشىلار، سونداي-اق قوعامدىق بىرلەستىكتەر مەن قاۋىمداستىقتاردىڭ وكىلدەرى قاتىسادى.
كۇنى مەن ورنى:26-27 قىركۇيەك 10:00-17: 00 ساع.
اۋەزوۆ كوشەسى، 175، ي. كرىلوۆ اتىنداعى قالالىق بالالار كىتاپحاناسى. كونفەرەنس-زالدار (2 جانە 3 قاباتتار).
ت. جۇرگەنوۆ اتىنداعى ءقازۇوا كىتاپحاناسى. كىشى كىتاپحانا (الماتى، پانفيلوۆ كوشەسى، 127، 1 قابات)
اشىلۋى: 26 قىركۇيەك ساعات 9: 00-دە قازاقستان حالقى اسسامبلەياسىنىڭ رەسپۋبليكالىق دوستىق ءۇيى (الماتى ق.، قۇرمانعازى ك-سى، 40 /تولەبايەۆ كوشەسىنىڭ قيىلىسى).
اقپارات ءۇشىن بايلانىس:
امانجولوۆا جەمما، فورۋمدى ۇيىمداستىرۋشى +77759494940
فاريزا ءابدىرايىموۆا + 77779454036 پوشتا: altair.chba@gmail.com
كونگرەستى ۇيىمداستىرۋشىلار:
- قازاقستان حالقى اسسامبلەياسىنىڭ عىلىمي-ساراپتامالىق كەڭەسى (استانا ق.، قازاقستان)
- ت. جۇرگەنوۆ اتىنداعى قازاق ۇلتتىق ونەر اكادەمياسى (الماتى ق.، قازاقستان)
- "Altair" بالالار كىتاپتارى اكادەمياسى (الماتى ق.، قازاقستان)
- "مير چەرەز دۋحوۆنوست" قوعامدىق بىرلەستىگى (استانا ق.، قازاقستان)