سينوپتيكتەر الداعى كۇندەرى رەسپۋبليكانىڭ سولتۇستىگىندە، شىعىسىندا، وڭتۇستىگىندە، وڭتۇستىك-شىعىسىندا تۇراقسىز اۋا رايى ساقتالادى دەپ بولجاۋدا.
رەسپۋبليكانىڭ وڭتۇستىك-شىعىسىنداعى تاۋلى ايماقتاردا جاڭبىر مەن قار جاۋادى، دەپ حابارلايدى Almaty-akshamy.kz.
«21 قىركۇيەكتە وڭتۇستىكتە، 21 جانە 23 قىركۇيەكتە شىعىستا، 21-22 قىركۇيەكتە رەسپۋبليكانىڭ وڭتۇستىك-شىعىسىندا قاتتى جاڭبىر جاۋادى، وڭتۇستىك-شىعىستىڭ تاۋلى ايماقتارىندا قاتتى جاۋىن-شاشىن كۇتىلەدى. تەك باتىستا جانە سولتۇستىك-باتىستا جاۋىن-شاشىنسىز اۋا رايى كۇتىلەدى. ەلىمىزدىڭ سولتۇستىگىندە، سولتۇستىك-باتىسىندا جانە ورتالىعىندا توپىراق بەتىندە ۇسىك جۇرەدى»، دەلىنگەن حابارلامادا.
بولجام بويىنشا، رەسپۋبليكانىڭ باتىس وبلىستارىندا اۋا تەمپەراتۋراسى كۇندىز +24+30°س، رەسپۋبليكانىڭ سولتۇستىك-باتىسىندا +15+27°س دەيىن كوتەرىلەدى، رەسپۋبليكانىڭ سولتۇستىگىندە +10+16°س دەيىن، ورتالىقتا +10+23°س، شىعىستا +10+15°س دەيىن، وڭتۇستىكتە +20+28°س، وڭتۇستىك-شىعىستا +12+22°س، تاۋلى ايماقتاردا +2+10°س دەيىن تومەندەيدى.