الماتىدا حالىقتىڭ الەۋمەتتىك وسال توپتارى ساناتىنداعى بالالار وقۋ جىلىنىڭ باسىنان باستاپ مەملەكەتتىك بالاباقشالاردا تەگىن تاماقپەن قامتاماسىز ەتىلدى
مەملەكەت باسشىسىنىڭ سايلاۋالدى باعدارلاماسىن ىسكە اسىرۋ اياسىندا الماتى قالاسىنىڭ اكىمى ەربولات دوسايەۆتىڭ قاۋلىسىمەن 2023 جىلعى 1 قىركۇيەكتەن باستاپ حالىقتىڭ الەۋمەتتىك وسال توپتارىنان شىققان بالالار مەملەكەتتىك بالاباقشالاردا تەگىن تاماقپەن قامتاماسىز ەتىلدى.
الماتى قالاسى ءبىلىم باسقارماسىنىڭ باسشىسى ءلاززات جىلقىبايەۆانىڭ ايتۋىنشا، ءقازىر مەگاپوليستە 80 مىڭعا جۋىق بالا (194 مەملەكەتتىك جانە 1 رەسپۋبليكالىق – 39 862 بالا؛ 723 جەكەمەنشىك - 39 738 بالا) باراتىن 918 مەكتەپكە دەيىنگى ۇيىم جۇمىس ىستەيدى. الماتى بويىنشا 3 جاستان 6 جاسقا دەيىنگى بالالاردىڭ 93،4%-ى مەكتەپكە دەيىنگى تاربيەمەن جانە وقىتۋمەن قامتىلعان.
بالالاردى مەكتەپكە دەيىنگى بىلىممەن قامتۋدى ارتتىرۋ ماقساتىندا 2023 جىلدىڭ باسىنان باستاپ 3 801 ورىنعا مەكتەپكە دەيىنگى تاربيە مەن وقىتۋعا مەملەكەتتىك ءبىلىم بەرۋ تاپسىرىسىن ورنالاستىرۋعا 2 بايقاۋ وتكىزىلدى.
«قازىرگى ۋاقىتتا الماتى قالاسى بويىنشا حالىقتىڭ الەۋمەتتىك وسال توپتارىنان 5672 بالا تەگىن تاماقپەن قامتىلدى. باعدارلامانى ىسكە اسىرۋ ءۇشىن الماتى قالاسى ءماسليحاتىنىڭ شەشىمىمەن جەرگىلىكتى بيۋدجەتتەن قاراجات ءبولىندى»، - دەدى ءلاززات جىلقىبايەۆا.
تەگىن تاماقپەن قامتىلعان بالالار ساناتتارىنا مىنالار جاتادى:
-جەتىم بالالار مەن اتا-اناسىنىڭ قامقورلىعىنسىز قالعان بالالار؛
- ءبىرىنشى جانە ەكىنشى توپتاعى مۇگەدەكتىگى بار ادامدار، بالا كەزىنەن مۇگەدەكتىگى بار ادامدار، مۇگەدەكتىگى بار بالالار؛
- كوپبالالى وتباسىلاردان شىققان بالالار؛
- اتاۋلى الەۋمەتتىك كومەك الۋعا قۇقىعى بار وتباسىلاردان شىققان بالالار.