«قازگيدرومەت» الداعى ءۇش كۇنگە ارنالعان اۋا رايى بولجامىن جاريالادى.
سينوپتيكتەردىڭ ايتۋىنشا، ەلىمىزدىڭ باسىم بولىگىندە جاڭبىر ءالى دە ساقتالادى. الداعى ءۇش كۇندە وڭىرلەردە نايزاعاي ويناپ، قاتتى جەل تۇرادى، جاڭبىر جاۋادى. سونداي-اق بۇرشاق جاۋۋى دا مۇمكىن، دەپ حابارلايدى Almaty-akshamy.kz.
ەلدىڭ سولتۇستىك-باتىسىندا، سولتۇستىگىندە، وڭتۇستىگىندە جانە وڭتۇستىك-شىعىسىندا قاتتى جاڭبىر جاۋىپ، اۋا تەمپەراتۋراسى تومەندەيدى. اسىرەسە سولتۇستىك وڭىرلەردە كۇن سۋىتادى. تۇنگى ۋاقىتتا اۋا تەمپەراتۋراسى 5-10 گرادۋس بولسا، كۇندىز 10-18 گرادۋس بولادى دەپ كۇتىلەدى.
تەك قازاقستاننىڭ باتىسىندا، جوعارى اتموسفەرالىق قىسىم ءورىسىنىڭ اسەرىنەن اۋا رايى جاۋىن-شاشىنسىز بولادى. كۇندىز اۋا تەمپەراتۋراسى 25-30 گرادۋسقا دەيىن جوعارىلايدى.