الماتىدا قىزدى قورلاعان موپەد جۇرگىزۋشىسى ۇستالدى.
بۇل تۋرالى ىشكى ىستەر مينيسترلىگىنىڭ باسپا ءسوز قىزمەتى مالىمدەدى، دەپ حابارلايدى Almaty-akshamy.kz.
24 تامىز كۇنى ناۋرىزباي اۋداندىق پب-نا 25 جاستاعى قىز موپەد مىنگەن بەلگىسىز ەر ادامنىڭ ءوزىن قورلاعانىن ايتىپ، ارىزداندى.
كۇدىكتى بىردەن انىقتالدى. 2001 جىلى تۋعان م. ەسىمدى ازامات ۇستالدى.
ونىڭ ارەكەتى اقبتك-نىڭ 434-بابىمەن تىركەلدى.
الماتى قالاسىنىڭ مامانداندىرىلعان اۋدانارالىق اكىمشىلىك سوتىنىڭ شەشىمىمەن قۇقىق بۇزۋشى كىنالى دەپ تانىلىپ، 15 تاۋلىككە اكىمشىلىك قاماۋعا الىندى.