قۇرىلىستاعى زاماناۋي كوزقاراس جانە جاڭا تەحنولوگيالار.
الماتىدا تەكستيلدى ارحيتەكتۋرا بويىنشا سەمينار ءوتتى. الىس-جاقىن شەتەلدەردەن كەلگەن ديزاينەرلەر مەن ساۋلەتشىلەر، قۇرىلىسشىلار بولاشاق بىرلەسكەن جوبالاردى تالقىلاپ، سوڭعى ۇلگىدەگى ارحيتەكتۋرالىق شەشىمدەردىڭ اۋقىمدى الەۋەتىن ءسوز ەتتى، دەپ حابارلايدى Almaty-akshamy.kz 24.kz-كە سىلتەمە جاساپ.
الماتىداعى مىنا عيماراتتىڭ قاسبەتىنە ارحيتەكتۋرالىق ماتا قولدانىلعانىن بىرەۋ بىلسە، بىرەۋ بىلمەيدى. نىساننىڭ قابىرعالارى مەن شاتىرىنا قۇرىلىس ماتەريالى رەتىندە ارنايى مەمبرانالار پايدالانىلعان. تەكستيلدى ساۋلەت عيماراتتى ەرەكشە ەتىپ قانا قويماي، ونى كۇننەن قورعايدى. قۇرىلىستاعى بۇل جاڭا تەحنولوگيانى ەلىمىزدە APS ENGINEERING كومپانياسى جۇزەگە اسىرىپ كەلەدى.
«اپس ينجەنيرينگتىڭ ماقساتى وركەنيەتتى ەلدەردىڭ جاقسى دۇنيەلەرىن وسى وزىق تەحنولوگيالارىن قازقاستانعا الىپ كەلۋ. ءبىزدىڭ سەرىكتەستەرىمىز فرانسيانىڭ فەراري فيرماسى وسى تەكستيلدىك ارحيتەكتۋرا بويىنشا، ماتەريالدارىن سول جاقتان الامىز، سول سەرىكتەستىگى. ال بالالار الاڭىنىڭ ويىنشىقتارىن دانيانىڭ كومپان كومپانياسىمەنەن جۇمىس جاسايمىز، سەرىكتەسىمىز، سولاردىڭ ويىنشىقتارىن وسى جەرگە اكەلىپ قويامىز»، - دەيدى APS Engineering ج ش س باس ديرەكتوردىڭ ورىنباسارى سەرىك ساتاروۆ.
APS Engineering كومپانياسى - كاسىبي جوبالاۋ توبى جانە زاماناۋي قۇرىلعىلارمەن جابدىقتالعان وندىرىسكە يە. كومپانيا ەۋروپادان تىكەلەي جەتكىزىلەتىن جوعارى ساپالى ماتەريالدارمەن جۇمىس ىستەيدى. بۇل تۇتىنۋشىلارعا شەتەلدىك كومپانيالارعا جۇگىنبەي-اق ەلىمىزدە جوعارى ساپالى قىزمەت الۋعا مۇمكىندىك بەرەدى.
«ءبىز APS Engineering كومپانياسىمەن 20 جىلعا جۋىق سەرىكتەس رەتىندە جۇمىس ىستەپ كەلەمىز. Ferrari مەمبرانالىق ماتەريالدارىنىڭ تەحنيكالىق قاسيەتتەرىنىڭ ارقاسىندا ءبىزدىڭ قازاقستاندىق سەرىكتەستەر تۇتىنۋشىلارعا كەز كەلگەن پىشىندەگى كۇردەلى ديزايندى ۇسىنا الادى. ەڭ باستىسى، ءبىز ءارتۇرلى ماتەريالداردى ۇنەمى زەرتتەپ، جاڭا شەشىمدەر ىزدەيمىز»، - دەيدى "Serge Ferrari" كومپانياسىنىڭ وكىلى حارالد شايبەلحۋت.
سەميناردا شەتەلدىك سەرىكتەستەر قازاقستاندىق مامانداردى امستەردامدا وتەتىن كەمە جاساۋ كورمەسىنە شاقىردى. بۇل كاسىپتى كەڭەيتىپ، جاڭا باعىتتارعا جول اشادى.