الداعى رەفەرەندۋم – بۇل ەلدەگى ساياسي ترانسفورماسيانىڭ سوڭعى ساتىسى ەمەس. بۇل تۋرالى مەملەكەت باسشىسى قاسىم-جومارت توقايەۆ ايتتى، دەپ حابارلايدى Almaty-akshamy.kz Elorda.info-عا سىلتەمە جاساپ.
"الداعى رەفەرەندۋم – بۇل ەلدەگى ساياسي ترانسفورماسيانىڭ سوڭعى ساتىسى ەمەس ەكەندىگىن اتاپ وتكىم كەلەدى. بۇل تۇپتەپ كەلگەندە ونىڭ باستاۋى. جۇمىس ەندىگى عانا باستالادى. ويتكەنى، ءومىردىڭ ءوزى جانە ازاماتتاردىڭ قاجەتتىلىگى ءبىزدىڭ الدىمىزعا جاڭا مىندەتتەردى جۇكتەيتىندىگى ءسوزسىز. ءبىز ساياسي سالادا تالدىرما تەراپيا ورىنسىز ەكەندىگىنە سۇيەنۋمىز قاجەت"، - دەدى ق ر پرەزيدەنتى ۇلتتىق عىلىم اكادەمياسىنىڭ 75 جىلدىعىنا ارنالعان سالتاناتتى سەسسيادا سويلەگەن سوزىندە.
مەملەكەت باسشىسىنىڭ پايىمداۋىنشا، كۇردەلى گەوساياسي احۋالدا ول ءبۇلدىرۋشى سالدارعا، قۇلدىراۋعا، ءتىپتى مەملەكەتتىكتەن ايىرىلىپ قالۋعا اكەلۋى مۇمكىن. سوندىقتان دا وسىناۋ كۇردەلى جولدا ءار قادامدى ويلاستىرا وتىرىپ، نىق ءارى سەنىمدى باسۋ قاجەت.
"تاسىعان وزەننەن وتەردە اياعىڭنىڭ جەرگە تيەتىندىگىن ءبىلۋىڭ قاجەت» دەيدى شىعىس دانالىعى. ەڭ باستىسى، قوعامىمىز العاشقى قادام جاساۋعا دايىن جانە ول ەڭ سوڭعىسى بولماق ەمەس. رەفورمانىڭ مىندەتتى تۇردە جالعاسى بولادى"، - دەدى قاسىم-جومارت توقايەۆ.