قۇرىلىس 2024 جىلى جازدا اياقتالادى دەپ جوسپارلانعان.
قاسىم-جومارت توقايەۆتىڭ الماتى قالاسىنا جاساعان جۇمىس ساپارى وڭتۇستىك استانا اۋەجايىنىڭ جاڭا حالىقارالىق تەرمينالى قۇرىلىسىنىڭ كاپسۋلاسىن سالۋ راسىمىنە قاتىسۋمەن اياقتالدى، دەپ حابارلايدى Almaty-akshamy.kz
مەملەكەت باسشىسى الماتى اۋەجايى ماڭىزدى ستراتەگيالىق نىسان جانە قازاقستاننىڭ اۋە قاقپاسى ەكەنىن اتاپ ءوتتى.
«جاڭا تەرمينال سالىنعاننان كەيىن، اۋەجايدا جىلىنا 14 ميلليون جولاۋشىعا دەيىن قىزمەت كورسەتىلەتىن بولادى، ياعني ەكى ەسەگە ارتادى دەگەن ءسوز. جاڭا تەرمينال ەڭ وزىق تەحنولوگيامەن جابدىقتالىپ، حالىقارالىق ستاندارتتارعا ساي بولۋى كەرەك. ەڭ باستىسى، بارلىق جۇمىستى ۋاقىتىندا اياقتاۋ قاجەت»، – دەدى پرەزيدەنت.
قۇرىلىسقا سالىنعان ينۆەستيسيانىڭ جالپى كولەمى 200 ميلليون دوللاردان اسادى. جاڭا تەرمينال تەك حالىقارالىق باعىتتاعى رەيستەرگە، ال قازىرگىسى ىشكى رەيستەرگە قىزمەت كورسەتەدى.